"TIPU SULTAN" HINDUSTAN KI TEHREEK-E-AAZADI KA PEHLA HERO (URDU)

SHAIR (LION) KI AIK DIN KI ZINDAGI GEEDER KI SO SAALA ZINDAGI SE BEHTER HAI . YE JUMLA HINDUSTAN KE MASHOOR AUR TAREEKHI HUKUMRAN TIPU SULTAN NE KAHA THA . HINDUSTAN KE HUKUMRANON MAIN TIPU SULTAN SHAHEED KA MAQAM BUHAT BULAND HAI . WO AIK BADSHAH HONE KE SATH SATH AIK AALIM . ZAHEEN . BAHADUR . NAMAZ AUR ROZEY KE PABAND AUR AWAM KA KHAYAL RAKHNE WALE HUKUMRAN THAY . TIPU SULTAN SHAHEED 1750 MAIN MAYSOOR MAIN PAIDA HUE AUR UNKE WALID HYDER ALI MAYSOOR STATE KE WALI THAY WO AIK BUZURG TIPU MASTAN KE BE-HAD AQEEDAT MAND THAY . ISI LIYE UNHON NE BHI APNE BETEY KA NAAM BHI TIPU RAKH DIYA . 4 SAAL KI UMER MAIN TIPU SULTAN KI TALEEM KA AAGHAZ HUA AUR THORE HI TIME MAIN ISLAAMI TALEEMAT . ARBI . PHARSI . AUR JALD HI ENGLISH FRANCH LANGUAGE BHI SEEKH LI AUR JAWAN HONE TAK MAHIR USTADON KI TERBIYAT KI WAJAH SE TAMAM JANGI FUNON MAIN MAHARAT HASIL KER LI . UNKE WALID IBTIDA HI SE JANG MAIN UNKO SATH SATH RAKHTE THAY WO APNE WALID KE INTEQAL KE BAAD 1772 MAIN TAKHT-NASHEEN HO GAYE .

TIPU SULTAN SHAHEED AUK BAHADUR HONE SATH SATH AIK PERHAIZ-GAR INSAN BHI THAY . NAMAZ-E-FAJAR KE BAAD QURAN-E-PAK KI TILAWAT ROZANA KERTE THAY . KABHI AYSA LIBAAS NAHI PEHNA KE JIS SE NAZAMZ PERHNE MAIN TAKLEEF HO AUR UNKI RIYASAT MAIN KABHI KOI AURAT BE-PERDAH HO KER NAHI NIKLI . AIK HAKIM KI HAYSIYAT SE TIPU SULTAN SHAHEED NE AWAM KI TRAQQI AUR KHUSH'HALI KE KIYE BE-MISAL KAAM KIYE . WO HUKUMRANI KO ALLAH TALA KI AMANAT SAMAJHTE THAY . UNHON NE APNE DOUR MAIN HINDUSTAN MAIN BAHAR MUMALIK SE ENGINEER BULWA KER NAYE NAYE KARKHANE (FACTORIES) LAGWA'EIN . RESHAM KI PAIDA'WAR KE LIYE BAHAR MUMALIK SE RESHAM KE KEERE (INSECTS) MANGWAYE . DARYA (RIVERS) PER BAND (CANAL) BANDH'WAYE . PHAL-DAR DARAKHT (TREE) LAGWAYE . SAB SE PEHLE KISAN KO AASAN QERZA DENE KA RIWAJ BHI INHI KI WAJAH SE HUA . ASLAH-SAZI (WEAPONS) KI FACTORIES QAIM KERWAYEN . RIYASAT KI HIFAZAT KE LIYE SAMANDARI FOUJ QAIM KI . JAHAZ KE NAQSHE (MAPS) KHUD TAYYAR KERTE THAY . AUR UN MAIN LOHE (IRON) KI JAGAH TANBE (COPER) KA ISTEMAL KIYA .

US DOUR MAIN HINDUSTAN MAIN ANGRAIZ ZAHIRI TOR PER TO TIJARAT KE LIYE AAYE THAY LEKIN AAHISTA AAHISTA UNHON NE HINDUSTAN PER APNE QABZA JAMANA SHURU KER DIYA THA . TIPU SULTAN UNKE IRADON KO PEHCHAN GAYE THAY ISI LIYE IS MARD-E-MUJAHID NE UNKO HINDUSTAN SE BHAGANE KE LIYE KOSHISH SHURU KER DI . AUR PHIR ANGRAIZ NE TIPU SULTAN SE KAI BAAR JANG BHI KI LEKIN WO TIPU SULTAN KI BAHADURI KA MUQABLA NAHI KER SAKE . AAKHIR UNHON NE TIPU SULTAN KE KHILAF SAZISHON KA JAAL BICHA DIYA .UNHON NE SULATN KE OFFICERS KO RISHWAT DE KER SULTAN KE KHILAF GHADDARI PER RAZI KER LIYA . AUR SATH HI INHON NE MERHATON AUR NIZAM-E-DAKKAN KO BHI LALACH DE KER APNE SATH MILA LIYA . AUR PHIR ANGRAIZON NE SULTAN KE QILLEY PER TEEN (3) TARAF SE HAMLA KER DIYA . JANG KE DOURAN SULTAN KE GHADDAR OFFICERS NE DUSHMAN KI FOUJ KO AAGE BARHNE KA MOQA DIYA AUR KUCH GHADDARON NE QILLE KI PICHLA DERWAZA BHI KHOL DIYA JIS SE ANGRAIZ FOUJ QILLEY KE PEECHEY SE BHI DAKHIL HO GAI . JANG KE DOURAN HI SULTAN KE AIK GHADDAR WAZEER-E-KHAZANA JISKA NAAM PORNIA THA FOUJ KO TANKHA (SALARY) DENE KE BAHANE MAIDAN-E-JANG SE BULWA LIYA . IS TARAH SULTAN APNE CHAND FOUJI KE SATH AKELE REH GAYE . IS NAZUK MOQA PER AIK FOUJI NE HATHIYAR DALNE KA MASHWARA DIYA LEKIN SULTAN NE INKAR KERTE HUE WO TAREEKHI JUMLA KAHA JO QAYAMAT TAK BAHADURON KI RENUMAI KERTA RAHE GA :SHAIR (LION) KI AIK DIN KI ZINDAGI GEEDER KI SO SAALA ZINDAGI SE BEHTER HAI : YE KEH KER WO DUSHMAN KE SAMNE DAT GAYE APKA JISM ZAKHMON SE CHOOR HO GAYA LEKIN WO DUSHMAN KA MUQABLA KERTE RAHE . ITNE MAIN AIK GOLI UNKE DIL KE QAREEB LAGI AUR WO GHORE (HOURSE) PER SE NEECHE GIR GAYE PHIR AIK ANGRAIZ SUPAHI NE UNKI TALWAR LENE CHAHI LEKIN UNHON NE ZAKHMI HALAT MAIN TALWAR KA AYSA WAR KIYA KE ANGRAIZ KI TANG KAT GAI . ITNE MAIN US ANGRAIZ FOUJI NE SULTAN KE SAR PER GOLI MARI JIS SE AP SHAHEED HO GAYE . AUR IS TARAH TEHREEK-E-AAZADI KE IS PEHLE HERO NE 4 MAY 1799 KO SHAHEED HO KER HAMEESHA KE LIYE ZINDA HO GAYE . . . ATIF JAMALI CELL NO: 0346-3193759

                FOR MORE ARTICLES AND FUN PLEASE VISIT:

                www.jamali4all.blogspot.com

TEESRI (3) MARATHON JANG (THE THIRD MARATHON WAR) AUR BARR-E-AZAM ASIA PER ENGLAND KI GOVERNMENT KA QABZA (URDU)

1800TH CENTUARY KE SAAL 1817 AUR 1818 KE DOURAN ENGLAND KI ARMY NE HINDUSTAN MAIN AIK JANG (WAR) LARI THI. JISKA NAAM THA.
                                                 ( THE THIRD MARATHON WAR )
AUR YE JANG RAJPOT STATE BACHANE AUR USKA WAJOOD BACHANE KI AAKHRI JANG THI AUR IS SE PEHLE 1815 TAK ENGLAND KI ARMY NE MULK SRILANKA KO APNE JAAL MAIN PHANSA KER QABZA KER CHUKI THI AUR USKO SEEDHI TARAH APNI STATE BANA LIYA THA . AUR USKE BAAD 1820 TAK IS SARE AREA PER QABZA MAIN KER CHUKI THI JISKO AAJ PAKISTAN . HINDUSTAN . BANGLADESH . AUR SRILANKA KAHA JATA HAI . JISKI WAJAH SE WAHAN KA SARA SIYASI NIZAM BECHAINI KA SHIKAR REHTA THA . WO IS LIYE KE JO AREA SEEDHI TARAH ENGLAND KI GOVERNMENT KE QABZE MAIN THEY WO ABHI TAK EAST INDIA COMPANY KE UNDER MAIN THAY JISKO TEEN (3) HISSON YA PROVINCES BUMBAI . MADRAS . AUR BANGAL MAIN BANTA GAYA THA  AUR HER HISSE YA PROVINCE KO APNI FOUJ MILI HUI THI . IN TAMAM AREA KA INTIZAM SEEDHI TARAH EAST INDIA COMPANY KE HAWALE NAHI THA BALKE COMPANY KE ILAWA UNKE KAROBARI AFRAD KI UNION KE HAWALE BHI THA AUR USKE ILAWA TAMAM WO RAJA AUR MAHA RAJA JO ENGLAND KE GHULAM YA WAFADAR THAY UN SAB KO AUTHORITY HASIL THI . ENGLAND KI GOVERNMENT AFGHANISTAN MAIN RUSSIA KE BARHTE HUE ASAR-O-SOKH SE PARESHAN THI YE 1842 KA SAAL THA JISKO PEHLI AFGHAN JANG KE NAAM SE YAAD KIYA JATA HAI ISKE ILAWA IS SE BHI 100 SAAL PEHLE AFGHANISTAN MAIN BADSHAHAT QAIM HO CHUKI THI . ENGLAND NE AFGHANISTAN KE CITY QABUL MAIN QABZA KER LIYA THA JAHAN ENGLAND KO BURI TARAH SHIKAST KA SAMNA HUA . AFGHISTAN MAIN MOJOUD AFGHAN FOUJ NE ENGLAND KI SARI ARMY KO PAKAR KER QATAL KER DIYA AUR SIRF AIK FOUJI KO ZINDA FARAR KIA TAKE WO WAHAN JA KER APNI HUKUMAT KO APNI TAREEKHI BURI SHIKAST . APNE TAMAM AFWAJ KE QATAL . AUR WAHAN KE HALAAT BAYAN KER SAKE .
 1849 MAIN ENGLAND NE PANJAB (HINDUSTAN) PER BHI QABZA KER LIYA THA AUR USKE BAAD 1857 MAIN ENGLAND KI FOUJ MAIN MOUJOD HINDUSTANIYON NE BAGHAWAT KER DI UNKI BAGHAWAT KA SABAB ENGLAND KI GOVERNMENT KI INDIA KE KHILAF POLICIES THI . SHURU MAIN TO BAGHAWAT KAMYAB HUI AUR ANGRAIZ KA QATL-E-AMM KIYA GAYA THA LEKIN BAAD MAIN AAKHRI MUGHAL BADSHAH BAHADUR SHAH ZAFAR KO BADSHAH BANAYA GAYA JISKE BAAD ENGLAND KI GOVERNMENT NE JAWABI KARWAI KI AUR SIKH QOUM . GORAKH QOUM . AUR UNKE MADADGAR KE SATH MIL KER BAGHI’YON KO KUCHALNA SHURU KER DIYA AUR IBTIDAI TOR PER BAGHI’YON KO DEHLI AUE LAKHNAO MAIN SHIKAST DI GAYE AUR 1858 KE AAKHIR TAK TAMAM BAGHI’YON KO CONTROL MAIN KER LIYA GAYA AUR UNKE SATH UN BE-GUNAH HISTANIYON KO BHI QATAL KIYA GAYA JO KE IS BAGHAWAT MAIN SHAMIL BHI NAHI THYA . AUR IS BAGHAWAT KA YE NATEEJA NIKLA KE 1858 MAIN EAST INDIA COMPANY KO KAHTAM KIYA GAYA AUR SARE HINDUSTAN KO ENGLAND KA HISSA BANA DIYA GAYA . . . .ASIF JAMALI

               FOR MORE ARTICLES PLEASE VISIT :

               www.jamali4all.blogspot.com

BARR-E-AZAM ASIA KI SAB SE BARI JHEEL

BARE-E-AZAM ASIA KI SAB SE BARI JHEEL JO AB DISTRICT DADU SINDH (PAKISTAN) MAIN HAI .

JISKA NAAM MACHHAR JHEEL HAI . WESE TO SINDH MAIN BUHAT SARI CHOTI BARI JHEEL HAIN .LEKIN MANCHHAR JHEEL JO KE ASIA KI  SAB SE BARI JHEEL HAI APNI KHUBSOORATI AUR QUDRATI NAZAREY AUR BUHAT ZIYADA AABI WASAYEL KI WAJAH SE MASHOOR HAI . AIK REPORT KE MUTABIQ KITNE SAAL KE BAAD MANCHHAR JHEEL

JISKA PANI ZEHREELA HO GAYA THA AB DOBARA MEETHI HO GAI HAI . MANCHHAR KA PANI IS LIYE MEETHA HUA KE IS BAAR SINDH MAIN BUHAT BARA AUR TAREEKH KA BAD-TAREEN SEELAB AAYA JISNE POORE SINDH KO APNI LAPAIT MAIN LE LIYA AUR HAR TARAF TABAHI MACHA DI AUR JAB US SEELAB KA RUKH DADU CITY KI TARAF HUA TO WAHAN KI MANAGEMENT NE USKO MANCHHAR JHEEL KI TARAF MORR DIYA AUR SEELAB KA SARA PANI IS JHEEL MAIN DAKHIL HO GAYA JISKI WAJAH SE SARA ZEHREELA PANI MEETHE PANI MAIN TABDEEL HO GAYA . 270 KILO METER PER YE JHEEL ASIA KI SAB SE BARI JHEEL HAI AUR ISKE ZEHREELE PANI KI WAJAH SE YAHAN KE MACHHEREY (FISHERS) BHI WAPAS CHALE GAYE THEY AUR AB DOBARA ISKE FISHERS WAPAS AA GAYE HAIN AUR AB DOBARA IS JHEEL KE KINARE AABAD HONE LAGE HAIN AUR AB PARINDON KI AWAZ BHI AANE LAGI HAI . YE JHEEL R.B.O.D (RIGHT BANK OUTFALL DRAINGE) KE PANI KI WAJAH SE ZEHREELI HO GAI THI AUR ISKE ZEHREELE PAN KI WAJAH SE YAHAN KI MACHLI (FISH) AUR DOSRE AABI JANDAR MOUT KA SHIKAR HONE LAGE THAY AUR IS KINARE PER PARINDON NE BHI AANA CHOR DIYA THA AUR YAHAN KE FISHERS BHI ISKO CHOR KER KAHEEN AUR CHALE GAYE THAY LEKIN AB YE JHEEL AABAD HO CHUKI HAI AUR YAHAN PER DOBARA PARINDO AUR AABI JANDAR NE BASERA KER LIYA HAI .

FOR MORE ARTICLES PLEASE VISIT :

WWW.JAMALI4ALL.BLOGSPOT.COM



AAINDA 1O SAALON (YEARS) MAIN 75% AMERICAN MOTAPEY (FATNESS) KA SHIKAR HO JAYEN GEY (URDU)

AIK TAZA REPORT MAIN BATAYA GAYA HAI KE IS WAQT DUNYA KE TAMAM TRAQQI YAFTA MUMALIK KE AFRAD TEZI SE MOTAPEY (FATNESS) KA SHIKAR HO RAHE HAIN . LEKIN AMERICA MAIN ISKI PHELNE KI AVERAGE DOSREY MUMALIK SE ZIYADA HAI . REPORT KE MUTABIQ AMERICA MAIN IS SAAL MOTAPEY (FATNESS) KI SHARAH  MAIN 70% IZAFA HUA HAI  JABKE 1980 MAIN YE SHARAH 50% THI AAINDA AANE WALE 10 SAALON MAIN AMERICA MAIN 75% AFRAD MOTAPEY (FATNESS) KA SHIKAR HO JAYEN GE . AUR AMERICA DUNYA KA SAB SE ZIYADA MOTEY (FATNESS) AFRAD WALA MULK BAN JAYE GA . MOTAPEY (FATNESS) KA SHIKAR HONE WALI AADMI KI UMER AIK AAM ADMI KI UMER SE NISBATAN 8 YA 10 SAAL KAM HO JATI HAI . ISKI AIK BARI WAJAH TAMBACO NOSHI (TOBACCO) BHI HAI . AIK REPORT KE MUTABIQ 2020 TAK HER 4TH AMERICAN CITIZEN YA TO MOTA HO CHUKA HOGA YA PHIR MOTA HONE KE QAREEB HOGA . AUR BEMARI KI SHARAH MAIN BHI IZFA HO JAYE GA AUR AUR HEALTH BAR-QARAR RAKHNE KE LIYE BHI KAFI KHARCHA BARH JAYE GA . AIK INTERNATIONAL TANZEEM (ORGINIZATION FOR ECONOMIC COOPERATION DEVELOPMENT) KE MUTABIQ AGER AMERICAN GOVERNMENT AUR AWAM NE IS BARE MAIN KOI QABIL-E-TAWAJJAH TAREEKA IKHTIYAR KER LIYA TO IS PER KAFI HAD TAK QABU PAYA JA SAKTA HAI . 

PARIS (FRANCE) SE TALLUQ RAKHNE WALI IS TANZEEM JIS MAIN DUNYA KE 33 TARAQQI YAFTA MUMALIK KE OFFICERS SHAMIL HAIN APNE ECONOMIC . AUR MOTAPEY (FATNESS) KI PEDICTIONS (PESHAN-GOI) KE HAWALE SE KAFI MASHOOR HAI . IS TANZEEM KE MUTABIQ MOTAPEY (FATNESS) KI WAJAH SE IQTISADI MAMLAT PER  KAFI GEHRA ASAR PARTA HAI ISI WAJAH SE IS TANZEEM KI TARAF SE DUNYA KE TAMAM TARAQQI YAFTA MUMALIK KO MOTAPEY (FATNESS) SE BA-KHABAR RAKHNE AUR ISKO KAM KERNE KE LIYE AIK COMMETY BHI QAIM KI GAI HAI . IS TANZEEM KE SENIOR HEATH ECONOMIST FRANCO SASSI JISNE YE REPORT TAYYAR KI HAI UNKA KHAYAL HAI KE IN TARAQQI YAFTA MUMALIK MAIN IS BARHTE HUE MOTAPEY (FATNESS) KA SABAB KHORAK MAIN LA-PERWAHI BHI HAI . AUR DOSRI TARAF ARAM AUR MACHINERY SAHOLAT KI WAJAH SE BHI KHORAK MAIN LA-PERWAHI BARHTI JA RAHI HAI JISKI WAJAH SE BHI MOTAPEY (FATNESS) KI SHARAH MAIN IZAFA HO RAHA HAI . FRANCO SASSI LONDON SCHOOL OF ECONOMICS KE EX.PROFESSOR BHI REH CHUKEY HAIN AUR UNHON NE IS REPORT PER 3 SAAL TAK KAAM BHI KYA HAI . UNKA KEHNA HAI KE MAZI KE MUQABLE MAIN AAJ KE DOUR MAIN KHANE PEENE KI CHEEZEN BA-AASANI SE DASTIYAB HAIN . AFRAD KI TARZ-E-ZINDAGI BHI BADAL RAHI HAI AUR TARAQQI YAFTA MUMALIK MAIN WAQT NA HONE KI WAJAH SE AFRAD BAHAR KE FOODS KHANE KO TARJEH DETE HAIN . FRANCO SASSI KA KEHNA HAI KE AMERICA MAIN MOTAPEY (FATNESS) AUR USKI WAJAH SE PAIDA HONE WALI BEEMARI'YON KA BHI KHARCHA BARH GAYA HAI . REPORT KE MUTABIQ YE KHARCH AAINDA AANE WALE WAQT MAIN DOUBLE HO JAYE GA AUR AMERICANS KO APNI AMDANI KA KAFI HISSA APNI HEALTH PER KHARCH KERNA PAREGA . FRNCO SASSI KE MUTABIQ AUR 2025 TAK YE KHARCH 70% TAK HO JAYE GA JO KE AB KE KHARCH  SE 240% ZIYADA HOGA .

TARAQQI YAFTA MUMALIK MAIN YE MOTAPEY (FATNESS) KI SHARAH TAIZI SE BARH RAHI HAI . JABKE IS TANZEEM KE MEMBERS MUMALIK KE  ILAWA DOSRE MUMALIK MAIN TAIZI SE BARH RAHI HAI JIS MAIN . BRAZIL . CHINA . RUSSIA . AUR INDIA SHAMIL HAI. . . .

AMERICA MAIN 5 SAAL KE BAAD AUR VIRGINIA STATE MAIN 1912 KE BAAD PEHLI BAAR KISI AURAT (WOMEN) KO PHANSI KI SAZA

AMERICA MAIN 5 SAAL KE BAAD AUR VIRGINIA STATE MAIN 1912 KE BAAD PEHLI BAAR KISI AURAT (WOMEN) KO PHANSI KI SAZA HUI HAI . REPORT KE MUTABIQ 41 SAAL KI AIK AMERICAN AURAT LEWIS TRESSA KO APNE HUSBAND AUR STEP-SUN KO QATAL KERNE KA ILZAM SABIT HONE PER VIRGINIA MAIN PHANSI KI SAZA DI GAI HAI . KAHA JA RAHA HAI KE YE PEHLI AURAT HAI JISE AMERICA MAIN 5 SAAL AUR VIGINIA MAIN 1912 KE BAAD PEHLI BAAR PHANSI DI GAI HAI . LEWIS TRESSA NE 2002 MAIN NA-JAIZ TALLUQAT AUR PAISON KE LIYE APNE HUSBAND AUR STEP-SUN KO QATAL KERWAYA THA . IS SURAT-E-HAAL MAIN AMERICAN SUPREME COURT KE JUDGE AUR VIRGINIA STATE KE GOVERNER NE PHANSI KI SAZA KHATAM KERNE SE INKAR KER DIA HAI . LEWIS TRESSA NE APNI PHANSI SE AIK GHATA PEHLE KA WAQT APNE LEGAL ADVISER AUR APNE KHANDAN KE LOGON KE SATH GUZARA AUR KHANE PEENE MAIN USNE SLICE . CHICKEN . AUR KUCH MITHAI KHAI . REPOT KE MUTABIQ JAB USKO PHANSI KE LE JAYA JA RAHA THA TO WO KHOUF SE KANP RAHI THI AUR USKI AANKHON SE AANSU JARI THAY . AUR PHANSI SE KUCH TIME PEHLE WO APNE NAWASE (GRAND-SON) JISKA NAAM CLIFTON HAI YAAD KERTE HUE KEH RAHI THI KE MAIN APNE NAWASE SE BUHAT PIYAAR KERTI HOON AUR MAIN BUHAT GHAMGEEN HOON YE USKI ZINDAGI KE AKHRI ALFAZ THAY JO USNE PHANSI SE PEHLE KAHEY.

DUNYA MAIN PANI KI SORAT-E-HAAL AUR PAKISTAN KE BAND (CANAL) MAIN ZAYA HONE WALA PANI (URDU)

HAAL HI MAIN PAKISTAN MAIN BARE PAIMANEY PER SEELAB AAYA JIS SE KHYBER PAKHTOON-KHUWA . PANJAB KE KUCH DISTRICT . AUR TAQREEBAN AADHEY (1/2) SE ZIYADA SINDH DOOB KER TABAHI KA SHIKAR HO GAYA . IS TABAHI KO AIK TARAF RAKHTE HUE AGER ISKA DOSRA PEHLU DEKHA JAYE TO KAI SAALON KE BAD SINDH KA THAR KA ILAQA DOOBA JIS SE SINDH KE DELTA TO USKI ZAROORAT KE MUTABIQ PANI MILA JIS SE YE IMKAN PAIDA HUA HAI AB KUCH ARSEY (TIME) TAK SAMANDER KA PANI AAGEY NAHI BARHE GA AUR ZAIR-E-ZAMEEN PANI KI SATAH BHI BULAND HO GAI HAI . LEKIN DOSRI TARAF ARSA (ARRIGATION DEPARTMENT) KI FUNNI COMMETY KE TAJZIYE KE MUTABIQ RABEE KI FASAL KE LIYE SOOBON (PROVINCES) KO PANI KI FARAHAMI 11% TAK KAMI KA IMKAN HAI . JESA KE DUNYA MAIN 70% PER PANI MOJOUD HAI LEKIN US MAIN SE SIRF 3% TAK TAZA (FRESH) PANI KE ZAMREY MAIN AATA HAI . AUR US MAIN BHI ZIYADA TER BARAF KI SOORAT MAIN PAHAR (MOUNTAIN) PER JAMA HUA HAI AUR KAFI HISSA ZAIR-E-ZAMEEN HAI . AUR SIRF 0.3% PANI ISTEMAL KE QABIL HAI . AUR WO BHI BARHTI HUI AABADI AUR PANI KA BE-JA ISTEMAL AUR GERMI MAIN ZIYADATI KI WAJAH SE KHATAM HO RAHA HAI . INTERNATIONAL LEVEL PER PORI DUNYA KI AABADI KE SIRF 20% AFRAD KO PENE KA SAAF PANI MUYASSER HAI . SAAF PANI NA MILNE KI WAJAH SE ROZANA TAQREEBAN 4500 BACHAY (CHILD) MOUT KA SHIKAR HO JATE HAIN AUR DOSRI TARAF HER SAAL 50 LAKH AFRAD PANI SE PAIDA HONE WALI BEMARI KI WAJAH SE MAR JATE HAIN .

IS WAQT DUNYA MAIN ABADI KA TEESRA ((3)) HISSA UN MUMALIK MAIN REHA'EISH PAZEER HAI JINKO PANI KI KAMI KA SHIKAR HONE WALE MUMALIK (WATER STRESSED COUNTRIES) KAHA JATA HAI . AGER PANI KA GHAIR-ZAROORI ISTEMAL AUR MUSALSAL BARHTE HUE DARJA-E-HARARAT KO NA ROKA GAYA TO PHIR PANI KI KAMI MAIN ROZ-BA-ROZ IZAFA HOTA JAYE GA . AIK ANDAZE KE MUTABIQ 10 SAAL PEHLE KAHA GAYA THA KE SAAL 2025 TAK DUNYA KI ABADI KA TEESRA HISSA PANI KI MUKAMMAL KAMI KA SHIKAR HO JAYE GA . LEKIN 2025 SE PEHLE HI PANI KI KAMI KE AASAR AANA SHURU HO CHUKE HAIN . AUR AB AIK NAYE ANDAZE KE MUTABIQ 2025 TAK DUNYA KI ABADI KA TAQREEBAN AADHA HISSA PANI KI KAMI KA SHIKAR HO JAYE GA . AIK TAJZIYE-NIGAR MARTIN CORE AIK DOSREY MAHIR MOD MARLIVE KE HAWALE SE LIKHTA HAI KE 20TH CENTUARY ABADI MAIN TAQREENBAN 300% TAK IZAFA HUA HAI AUR PANI KE ISTEMAL MAIN 700% TAK IZAFA HUA HAI . AUR AGER 2025 TAK DUNYA KI ABADI MAIN MAZEED 3 ARAB TAK IZAFA HUA TO PANI KE ISTEMAL MAIN 80% TAK IZAFA HO JAYE GA AUR PATA NAHI ITNA PANI KAHAN SE AAYE GA . 1993 MAIN AQWAM-E-MUTTAHIDA NE YE FAISLA KIA THA KE HER SAAL 22 MARCH KO PANI KA DIN MANAYA JAYE GA AUR MUMALIK AUR UNKI AWAM MAIN PANI KE SAHEH ISTEMAL KA SHA'OOR PAIDA KIA JAYE GA AUR ISKE ILAWA AQWAM-E-MUTTAHIDA NE 2005 SE 2015 TAK PANI KE SAHEH ISTEMAL KA PROGRAM SHURU KIA THA JISKO ZINDAGI KE LIYE PANI WALE SAAL (WATER FOR LIFE DECADE) BHI KAHA JATA HAI .

MAY 1997 MAIN AQWAM-E-MUTTAHIDA KI TARAF SE AIK CONVENSION (THE GLOBEL UN CONVETION ON THE LAW OF THE NON-NAVIGATIONAL USES OF INTERNATIONAL WATER COURSES) KE NAAM SE AIK IDARA QAIM KYA GAYA JIS MAIN KAHA GAYA KE : STATES INTERNATIONAL WATER COURSES PANI KE SAHEH ISTEMAL KO YAQEENI BANAYEN TAKEY BARABER WALI STATE KO KOI NUKSAN NA HO LEKIN HAQEEQAT TO YE HAI KE IS MUHA'EIDEY KI TOUSEEQ SIRF 16 MUMALIK NE KI JABKE ISKO AMAL MAIN LANE KE LIYE 35 MUMALIK KI TOUSEEQ ZAROORI HAI . 20TH CENTUARY MAIN MUMALIK MAIN TAQREEBAN 200 TAK MUHA'EIDEY HUE JIS MAIN SE 37 LARAI JHAGREY KI NAZER HUE JIS MAIN KAFI NUKSAN BHI HUA . MARKAZI ASIA MAIN KAFI MUMALIK TERKAMANIISTAN . TAJIKSTAN . KAZAKISTAN . UZBAKISTAN . KERGHISTAN . SIRF 2 DARYA'ON (RIVERS) AMO DARYA AUR SAR DARYA PAR PAL RAHE HAIN . INDIA MAIN BHI KERNATIK STATE AUR U.P KE DAIM KE MAMLEY MAIN TAKRAR JARI HAI .

DOCTER SAMIA TARIQUE KI MUTABIQUE IS WAQT ZAMEEN PER 263 SE ZIYADA DARYA YA NADIYAN HAIN JO MUKHTALIF SARHADON SE HOTE HUE 145 MUMALIK KO SEERAB KER RAHE HAIN . AUR IS MAIN KAFI DARYA 2 SE ZIYADA MUMALIK KO SEERAB KER RAHE HAIN . 13 DARYA 5 SE 8 TAK MUMALIK KO SEERAB KERTE HAIN . AIK DARYA (DENUBE) 18 MUMALIK KO SEERAB KER RAHA HAI . AFRICA MAIN 50 DARYA HAIN JIS MAIN SE KAFI DARYA 2 YA 2 SE ZIYADA MUMALIK KO SEERAB KER RAHE HAIN . AUR PEENE KA SAAF PANI SIRF ZAMEEN KE OPER HI NAHI BALKE ZAIR-E-ZAMEEN AABI ZAKHA'EIR SE BHI HASIL KIYA JATA HAI . AB TAK ZAIR-E-ZAMEEN 274 SE ZIYADA AABI ZAKHA'EIR DARYAFT KIYE JA CHUKE HAIN JO ZAMEEN KE NEECHEY 15% HISSE PER MUMALIK SE BE-NIYAZ HO KER BEH RAHE HAIN .

IS WAQT PAKISTAN BHI PANI KI KAMI KA SHIKAR HONE WALE MUMALIK MAIN SHAMIL HOTA HAI AUR IMKAN HAI KE AAGEY CHAL KER PANI KA SAHEH ISTEMAIL KERNE KA TAREEQA IKHTIYAR NA KIYA GAYA TO PAKISTAN (WATER STRESSED COUNTRIES) MAIN SHAMIL HO JAYE GA . IS WAQT ABADI KO SIRF 36% HISSEY KO HAND PUMP KA PANI MUYASSER HAI . MOJOUDA WAQT MAIN PANI KI JAMA KERNE KI FEE-KAS SHARAH 1000 CUBIC METER HAI JO 1950 MAIN 5000 FEE-KAS SHARAH THI . JABKE DOSRI TARAF PANI JAMA KERNE KI SHARAH AMERICA AUR AUSTRAILIA MAIN 5000 CUBIC METER HAI .  PAKISTAN AIK ZARAI MULK HAI AUR MOJOUDA PANI KA 90% ZARA'AT MAIN ISTEMAL HOTA HAI . MARTIN CORE KE MUTABIQ ANAJ KA AIK KILO GIRAM PAIDA KERNE KE LIYE 3 CUBIC METER PANI AUR GOSHT (BEAF) KA AIK KILO PAIDA KERNE KE LIYE 15 CUBIC METER PANI KI ZAROORAT HOTI HAI . AIK PAKISTANI TAJZIYE-NIGAR SIRAJ-UL-HASSAN JO UNHON NE KUCH SAAL PEHLE AIK GRAPH BANAYA THA JISKE MUTABIQ HER SAAL PAKISTAN MAIN 145 MILLION EIKAR FOOT PANI DAKHIL HOTA HAI JIS MAIN SE 26 MILLION EIKAR FOOT PANI RASTEY MAIN HI ZAYA HO JATA HAI . AUR 40 MILLION EIKAR FOOT PANI DARYA MAIN ZAYA HO JATA HAI AUR SIRF 73 MILLION EIKAR FOOT FASAL MAIN PUHANCHTA HAI AUR WAHAN BHI 18 MILLION EIKAR FOOT PANI ZAYA HO JATA HAI . DOSREY ALFAZ MAIN 62% PANI ZAYA HO JATA HAI JO MANGLA AUR TERBELA DAIM SE HASIL HONE WALE PANI KA 600% ZIYADA HAI .

WORLD BANK KE MUTABIQ PICHLEY 40 SAAL MAIN ZAIR-E-ZAMEEN PANI KO ISTEMAL KERNE KI WAJAH SE ISKI SATAH MAIN KAFI NEECHEY HO GAI HAI . HER SAAL 10000 SE ZIYADA TUBE WELL LAGA KER PANI KO ZARA'AT KE LIYE ISTEMAL KIYA JATA HAI JIS SE ZAIR-E-ZAMEEN PANI KI SATAH KAM HO RAHI HAI . YAAD RAHE ZAIR-E-ZAMEEN PANI KE ZAKHEEREY KO QAIM HONE MAIN HAZARO SAAL LAG JATE HAIN . SINDH KE DARYA AUR CANAL KAFI GANDAGI KA SHIKAR HAIN AUR AAGEY CHAL ISKA NATEEJA KHATERNAK BHI HO SAKTA HAI . ZAROORAT IS BAAT KI HAI KE HAMEIN KHUD KO AUR CANAL KO GANDAGI SE BACHANE KI KOSHISH KERNI CHAHIYE AUR AWAM MAIN PANI KE SAHEH ISTEMAL KA SAH'OOR PAIDA KERNA CHAHIYE . . .

MULK-E-IRAN KI AIK BAGHI SHAIRA (POETEST) KI AJEEB DASTAN KE JISNE LOGON KO ASAL DEEN (MAZHAB) SE DOOR KER KE GUMRAH KER DIA AUR USKA NAAM THA . . . QURRAT-UL-AIN TAHIRA

IRAN KI PUR-ISRAR ZAMEEN PER AIK SHAIRA (POETEST) PAIDA HUI JISKA NAAM THA FATIMA BERGHANI . LEKIN SHAIRI MAIN USKE 2 TAKHALLUS THAY AIK QURRAT-UL-AIN AUR DOSRA TAHIRA . AUR WO DUNYA MAIN ISI NAAM MATLAB QURRAT-UL-AIN TAHIRA KE NAAM SE MASHOOR HO GAI . USKI SAHEH PAIDA'EISH KA RECORD TO KISI KE PAAS NAHI LEKIN KITAABON SE PATA CHALTA HAI KE USKO 1852 MAIN PHANSI DENE KE BAD JALA DIA GAYA THA . LEKIN USKI PAIDA'EISH 1817 YA 1820 MAIN HUI AUR IS TARAH WO JAWANI MAIN 32 YA 35 SAAL KI UMER MAIN QATAL KER DI GAI . TAHIRA IRAN KE SHAHER QUZWAIN MAIN PAIDA HUI USKA KHANDAN APNE DOUR KA MASHOOR MAZHABI KHANDAN THA USKE WALID KA NAAM HAJI MULLA SALIH THA AUR USKI SHADI 13 SAAL KI UMER MAIN USKE KAZAN MULLA MOHAMMED SE HO GAI JIS SE USKO 2 LARKE AUR AIK LARKI PAIDA HUI . TAHIRA BUHAT HASEEN AUR ZAHEEN LARKI THI USKO MAZHABI MIZAJ AUR TALEEM DONO MILI THI WO QURAN-E-PAK AUR HADEES KI MASHOOR AALIM THI LEKIN US WAQT KE TAA'SUB KI WAJAH SE USKO KISI MAZHABI IDAREY KA CERTIFICATE NA MIL SAKA . TAHIRA KI JAWANI KI UMER MAIN IRAN KE SHAHER SHEERAZ MAIN AIK NAYE MAZHAB KA BANI MIRZA ALI MOHAMMED KHARA HUA JISNE APNA LAQAB "BAAB" RAKHA JISKA MATLAB ILM KA DERWAZA KE HAIN . IS MAZHAB KI ASAL TALEEM TO KUCH AUR HI THI MATLAB AIK NAYA FIRQA PAIDA HO GAYA JISNE MUSALMANO KO GUMRAH KER DIA AUR IS MAZHAB KE IRADEY TO KUCH AUR HI THAY LEKIN DUNYA KO DIKHANE KE LIYE UNHON NE YE USOOL BATAYE KE .1 . AURAT AUR MARD KO BARABER KE HUQOOQ DIYE JAYEN. 2. AIK INTERNATIONAL LANGUAGE QAIM KI JAYE .3. AIK INTERNATIONAL IDARA QAIM KIYA JAYE .4. SCIENCE AUR MAZHAB AIK SATH HOON .5. AIL NAYA INTERNATIONAL DEEN (RELIGION) QAIM KIYA JAYE AUR AIK NAYE KHUDAI TEHZEEB WAJOOD MAIN LAYE JAYE JIS PER SAB MUTTAFIQ HOON AUR ILM AAM KIYA JAYE WAGHERA WAGHERA . YE SIRF DUNYA KO BATANE KE LIYE THA INKA ASAL MAQSAD DUNYA KE MUSALMANON KO GUMRAH KERNA THA AUR YE AIK YAHOODI TARZ KA FIRQA THA JO MUSALMANON KI SAFON MAIN BAITH KER MUSALMANON KO GUMRAH KERNA CHAHATA THA AUR WO KAFI HAD TAK IS MAIN KAMYAB BHI HO GAYE . AUR ISI DINON MAIN PANJAB (HINDUSTAN) MAIN AIK NAYA FIRQA QADYANI KE NAAM SE QAIM HUA JISKA BANI MIRZA GHULAM AHMED THA . AUR YE AJEEB BAAT HAI KE YE DONO MIRZA AIK HI DOUR KE AUR LAG BHAG AIK HI UMER KE BHI THAY . AUR TAQREEBAN IN DONO KA MAQSAD SIRF AIK HI THA KE KISI TARAH MUSALMANON KO GUMRAH KIYA JAYE AUR YE DONO MIRZA IS MAIN KAMYAB BHI HO GAYE . AUR HEERAT KI BAAT YE BHI HAI KE IN NAYE MAZHAB MAIN EDUCATED LOG BHI SHAMIL HO GAYE . . .

QURRAT-UL-AIN TAHIRA NE 1844 MAIN 27 SAAL KI UMER MAIN NAYE IRANI MAZHABI PESHWA MIRZA ALI MOHAMMED KI KITAB AHSAN-UL-QASAS PARHI SIRF ITNA HI NAHI BALKE US PER EMAN BHI LE AAYE LEKIN IS SE PEHLE WO AIK MUSALMAN THI AUR AIK SUNNI AALIMA BHI THI . USKE BAD TAHIRA IS NAYE MAZHAB JISKA NAAM "BAAB" THA USKE LIYE USNE KAFI MEHNAT BHI KI AUR USKI AIK PUR-JOSH AALIMA AUR MUBBALIGH BHI BAN GAYE AUR USNE IS NAYE MAZHAB "BAAB" KI TABLEGH BHI KERNE LAGI JISKE NAATEJE MAIN KAI MUSALMAN USKE JAAL KA SHIKAR BEN GAYE AUR BAAB KA MAZHAB QUBOOL KER LIA PHIR ISKE BAD WO IRAQ GAI AUR WAHAN BHI USNE APNE JHOTE MAZAHB KI TABLEEGH KI AUR KAI MUSALMAN KO GUMRAH KER DIA JISKE NAATEJE MAIN IRAQ KI HUKUMAT NE USE JILA-WATAN KER KE WAPAS IRAN BHAIJ DIYA LEKIN IRAN AANE KE BAD USKE SAB GHER WALE AUR USKA SHOHER (HUSBAND) JIS SE PEHLE HI ISKI NA-ITTAFAQI THI ISKE BAD USKE SHOHER NE USKO TALAQ DE DI AUR SAB GHER WALE USKE IS NAYE MAZHAB KI WAJAH SE USKE MUKHALIF BAN GAYE THAY SIRF YAHI NAHI BALKE IRAN KE AALIMON AUR AWAN NE USKI BHARPOR MUKHALIFAT KI AUR USKI BE-PERDAGI KI WAJAH SE US PER PATTHER-BAZI BHI KI ISI LIYE HUKUMAT NE USE GIRIFTAR KER KE QUZWAIN SE TEHRAN BHAIJ DIYA . TEHRAN BHAIJE KE BAD USE US WAQT KE BADSHAH NASEER-D-DIN SHAH KE DARBAR MAIN PESH KIYA GAYA BADSHAH USKA HUSN AUR ZIHANAT DEKH KER HEERAN HO GAYA AUR DARBAR MAIN KAHA KE USKO LE JAO MAIN IS SE MUTASIR HO GAYA HOON ISKE BAD BADSHAH NE USEY SHADI KI PESHKASH KI JISE TAHIRA NE RAD KER DIYA . JISKE BAD BADSHAH NE USE TEHRAN KE MAIYER MAHMOOD KHAN KE GHER MAIN 4 SAAL TAK NAZER BAND RAKHA . LEKIN IS NAZER BANDI MAIN BHI USNE APNE MAZHAB "BAAB" KI TABLEEGH JARI RAKHI AUR WAHAN BHI KAI MUSALMANON KO GUMRAH KIYA AUR KHUD HUKUMRAN KE QACHAR KHANDAN KE AIK SHEHZADEY NE BHI 'BAAB" MAZHAB QUBOOL KER LIYA . IS BARHTI HUI FRQA-WARIYAT KI WAJAH SE IRANI HUKUMAT NE 1848 MAIN BAAB MAZHAB KE PESHWA MIRZA ALI MOHAMMED KO GRIFTAR KER LIYA AUR BAD MAIN JAIL MAIN USKO PHANSI DE DI GAI . JISKE BAD AUGUST 1852 MAIN USKE FOLLOWERS NE MATLAB BAAB MAZHAB KE LOGON NE SHIKAR SE WAPSI KE WAQT BADSHAH NASEER-UD-DIN SHAH PER QATILANA HAMLA KER DIA LEKIN IS HAMLEY MAIN BADSHAH TO BACH GAYA LEKIN ISKE BAD IRAN KI HUKUMAT IN KE PEECHEY PAR GAYI AUR HAZARO FOLLOWERS KO MAAR DIYA AUR KUCH IRAN CHOR KER BHAAG NIKLE . AAJ BHI PAKISTAN MAIN IRANI HOTELS PER JAHAN "BAAB" LIKHA HOTA HAI YA HOTELS KE NAAM KE SATH BAAB LIKHA HOTA HAI USI DINON SE BHAG KER AANE WALE FOLLOWERS MIRZA ALI MOHAMMED KI BAQIYAT MAIN SE HAIN . IRAN KI HUKUMAT USKE KHANDAN KE BA-ASAR AFRAD . WAZEERON . AMEERON . AUR GENERALS KE HATH MAIN THI UNHON NE BADSHAH PER TAHIRA KO PHANSI DENE KE LIYE ZOOR BARHAYA LEKIN BADSHAH NE USKE BAWAJOD TAHIRA KO DARBAR MAIN BULA KER IS MAZHAB SE DOOR REHNE AUR TOUBA KERNE KA KAHA LEKIN TAHIRA INKAR KER DIYA . IS KE BAD BADSHAH KO BATAYE BEGHAIR USKE JANG KE WAZEER NE APNI FOUJI OFFICERS KE SATH TAHIRA KO PHANSI DENE KE LIYE RAAT KO USKE GHER PUHANCHA . TAHIRA KO APNI PAHNSI KI KHABER PHANSI DENE SE KUCH DAIR PEHLE MALOON HUI USKE WAZEER AUR FOUJI OFFICERS TAHIRA KO SHAHER SE DOOR AIK BAGH MAIN LE GAYE LEKIN PHANSI DENE SE PEHLE TAHIRA NE OFFICERS KO AIK SAFEED CHADER (AJRAK) DI AUR KAHA MUJHAY ISE SE PHANSI DI JAYE AUR TAHIRA KO USI SE PHANSI DI GAYE . TAHIRA KO PHANSI DENE KE BAD USEY JALA DIA GAYA AUR AIK VEERAN KUNWEY MAIN PHENK DIYA GAYA AUR OPER SE PATHER AUR MATTI PHENK DI GAYE . TAHIRA IRAN KI PEHLI AURAT THI JIS NE SAB SE PEHLE BE-PARDAGI KI . TAHIRA KO AUGUST 1852 MAIN 16 YA 27 KO PHANSI DI GAYE . LONDON KE TIMES NEWSPAPER NE 13 OCTOBER 1852 KO TAHIRA KI PHANSI KI KHABER SHAYA KI KIYON KE WO US WAQT TAK MULK SE BAHAR BHI MASHOOR HO CHUKI THI . TAHIRA KI SHAIRI AUR USKE KAGHZAT KO USKI MOUT KE BAD USKE KHANDAN NE JALA DIYE THAY KIYON KE USKI WAJAH SE USKA SARA KHANDAN MUSEEBAT MAIN AA GAYA THA AUR GHER WALON KI MUKHALIFAT KE BAWAJOD TAHIRA NE BAAB KA MAZHAB NAHI CHORA THA . IRAN MAIN ISKI SHAIRI MAIN PER PABANDI THI . TAHIRA APNE DOUR MAIN SAR-E-AAM IRAN KE AALIMON SE MANAZIREY BHI KERTI THI . TAHIRA NE KHUD KO KHULLAM KHULLA BE-PERDA KIYA THA . TAHIRA NE KAI MUSALMANON KO UNKE ASAL DEEN SE DOOR KER KE IS NAYE MAZHAB "BAAB" MAIN DAKHIL KER DIYA . TAHIRA ISLAM KI AIK BUHAT BARI DUSHMAN SABIT HUI . ALLAH HUM SAB MUSALMANON KE AQEEDEY KI HIFAZAT KARE . AMEEEN . . .

INSAN KE KHLAI DOUR KA AAGHAZ (URDU)

AAJ KA INSAN KHALAI DOUR (SPACE AGE) KE DOUR KA INSAN HAI . AIK AYSE DOUR KA INSAN JO AB SHAYAD TARRAQI KERTE HUE KISI AUR DOUR MAIN NAHI JA SAKTA . INSAN KA APNI ZAMEEN KO CHOR KER KHALA (SPACE) KI AJNABI YA AN-DEKHI DUNYA'ON MAIN SAFAR KERNA YA APNE HATH SE TARASHEY HUE MASNOI CHAND YA SAYYARON KO KHALA KI TARAF RAWANA KERNA AB INSAN KA ROZ KA MAMOOL BAN CHUKA HAI . FIZA MAIN PARINDON KI MANIND YA CHAND KI ZAMEEN PER UTERNE KA KHAWAB AIK PURANA THA JO AAJ PORA HO CHUKA HAI . AIK ANDAZE KE MUTABIK AAJ SE30 LAKH SAAL PEHLE INSAN NE ISI ZAMEEN PER AANKH KHOLI . SHEHRON SE ABAD AUR KHUBSOORAT EMRATON SE SAJI AAJ KI YE DUNYA LAKHON SAAL KE US DOUR SE JISE PATTHER KA DOUR (STONR AGE) KAHA JATA HAI SE BUHAT MUKHTALIF HAI . PATHER (STONE) KE DOUR KI DUNYA SE JAHAN SE INSAN NE ISI ZAMEEN PER REHTE HUE APNE SAFAR KA AAGHAZ KIYA THA TO US WAQT KI DUNYA TAREEKIYON AUR TOOFANON SE GHIRI HUI THI JAHAN PER BARE BARE JANWERON KI HUKUM-RANI THI AUR INSAN PHIR TAREEK GHAARON DRAKHT KI BULAND SHAKHON PER APNA GHER BANA KER REHTA THA PATHER KE NOKELE HATHIYARON (WEAPONS) JANWARON KA SHIKAR KERTA THA .AUR US WAQT INSAN AUR JANWER MAIN SIWAYE AQAL KE KOI FARQ NA THA . YAHAN SE INSAN NE APNE SAFAR KA AAGHAZ KIYA AUE WAQT KE SATH SATH ILM . AQAL . TEHQEEQ . AMAL . JUSTUJO . AUR SCIENCE KI QUWWAT KO APNE DAMAN MAIN SAMMET'TA HUA IS PATHER (STONE( KE DOUR SE NIKLA AUR ZARAAT KE DOUR MAIN DAKHIL HUA PHIR MACHINE KE DOUR KA INSAN BANA . AUB AB AUTOM BOMB KE DOUR KA INSAN KEHLANE LAGA AUR AAJ IS KHALAI DOUR KA INSAN HAI JAHAN USNE CHAND PER QADAM RAKHA AUR AB DOSRE SAYYARON KI JANIB NAGAH KIYE HUE HAI . AASMAN YA KHALA KA DOUR ZAMEEN KOI 100 MEEL OPER SE SHURU HOTA HAI AUR NA KHATAM HONE TAK CHALA JATA HAI . KHALA KI DUNYA MAIN DAKHIL HONE KA KHAWAB AIK AYSA PURANA KHAWAB HAI JO INSAN HER DOUR MAIN DEKHTA CHALA AAYA HAI . YE HAZRAT EESA (ALAI-HI-SALAM) KI PAIDAEISH SE 160 SAAL PEHLE KI BAAT AHI AIK KITAB SHAYA HUI THI JIS MAIN CHAND SITARON KI LA-ILMI BATEIN LIKHI HUI THEIN IS KITAB MAIN AIK KAHANI YE BHI THI KE AIK BAAR AIK JAHAZ SAMANDER MAIN CHAL RAHA THA KE AACHANAK AIK TOOFAN AA GAYA TOOFANI LEHRON NE JAHAZ KO HAWA MAIN UCHAL DIYA AUR YE JAHAZ APNE MUSAFIRON KE SATH HAWA MAIN BULAND HOTA HUA AASAMN KI JANIB PERWAZ KERTA HUA AIK AYSI ZAMEEN PER JA UTRA JO AIK JAG MAG KERTA JAZEERA THA . YE AUR IS QISAM KI KAI KAHANIYAN INSAN KI US KHAWAHISH KO ZAHIR KERTI HAIN JO IBTIDA SE HI APNE ANDER AASMAN KI SAIR KERNE KO RAKHTA HAI . SCIENCE KI QUWWAT NE INSAN KE KAI KHAWABON KO HAQEEQAT KA ROOP DIYA AUR WO WAQT BHI AAYA JAB INSAN APNE HATHON SE AIK CHOTA SA MASNOI CHAND  BANA KER USE AASMAN MAIN BHEJNE MAIN KAMYAB HO GAYA IS MASNOI CHAND NE INSAN KI WO KHAWAHISH PORI JO INSAN NE HAZARON SAAL PEHLE KI YHI . 

YE 4 OCTOBER 1957 KE KHALAI DOUR KI IBTIDAI TAREEKH HAI US DIN DUNYA BHER KE LOG YE SUN KER HEERAN REH GAYE KE AAJ INSAN KA APNA BANAYA HUA MASNOI SAYYARA CHAND KE GIRD GERDISH KER RAHA HAI YE KARNAMA RUSSIA (ROS) NE ANJAM DIYA THA RUSSIA KE JIS MASNOI SAYYARA KA KHALA MAIN PUHANCHNE SE KHALAI DOUR KA AAGHAZ HUA US KA NAAM "SPUTNIC OOL" THA AUR INSANI TAREEKH KA YE ITNA BARA KARNAMA THA KE PORI DUNYA MAIN YE AIK LAFZ "SPUTNIC" JIS TEEZI SE MAQBOOL HUA UTNI HI TAIZI SE DUNYA KA KOI DOSRA LAFZ MAQBOOL NA HO SAKA . RUSSIAN LANGUAGE MAIN SPUTNIC KA MATLAB SAKFAR KA SATHI KE HAIN . YE PEHLA MASNOI SAYARA SHAKAL KE AITBAR SE AIK CHAMAK-DAR GOLA THA JIS KI BAHAR KI SATAH ALLUMINIUN KI SE BANAI GAYE THI JO KISI SHEESHEY KI TARAH CHAMAK-DAR THI . IS MASNOI   SAYYARA  KI BAHAR KI SATAH CHAMAK-DAR RAKHNE KE 2 HI MAQSAD THAY AIK YE KE IS PER PERNE WALI SORAJ TAIZ DHOOP REFLEX HOTI RAHE AUR SAYARE KA ANDRONI DARJA-E-HARARAT NA BARHNE PAYE 2 YE KE JAB SORAJ KI SHUA ISKE BERONI HISSE SE REFLEX HO TO YE AASMAN MAIN AIK ROSHAN SHAY BAN KER NAZER AAYE . IS KI GOLAI 23 INCH KI THI AP ISE KISI FOOTBALL KE DOUBLE TASAWWER KER SAKTE HAIN MAGER WAZAN KE AITBAR SE YE  KAFI BHARI THA AUR ISKA WAZAN 184 POND THA AUR YE BUHAT SI SCIENCE KE AALAT SE BHARA HUA THA IS MAIN 2 INTIHAI TAQAT-WER RADIO TRANSMETER NASB THAY JINSE MUSALSAL "BEEP BEEP" KI AWAZ AATI THI JISE KHALA SE ZAMEEN PER SAAF SUNA JA SAKTA THA . AMERICA MAIN YE SIGNAL PEHLI DAFA RAAT 08:07 MAINUTE PER SUNE GAYE JO KHALA SE ZAMEEN PER SUNE JANE WALA YE PEHLA SIGNAL THA . IS MASNOI SAYARE NE JO KHALA MAN PUHANCH KER ZAMEEN KO MALOOMAT FARAHAM KI UN MAIN KHALA KA MUKHTALIF BULANDIYON PER DARJA-E-HARARAT . KHALA MAIN MOJOUD COSMIC RAYS KE ASRAT AUR INKI SHIDDAT SE ULTRA VIOLET RAYS AUE SHAHAB-E-SAQIB KI RAFTAAR WAGHERA SHAMIL THEIN . 1957 MAI KHALAI DOUR KA AAGHAZ KERNE WALA YE MASNOI SAYARA 92 DIN TAK KHALA MAIN RAHA ZAMEEN SE IS MASNOI CHAND YA SAYARA KA KAM SE KAM 150 MEEL AUR ZIYADA SE ZIYADA FASLA 5000 MEEL THA KHALA MAIN ISKI RAFTAR 17500 MEEL FEE GHANTA YA 5 MEEL FEE SECOND YHI JO AIK GOLI KI RAFTAR SE KAHIN ZIYADA HAI . YE TARREKHI MASNOI SAYARA JISNE AIK NAYE DOUR KA AAGHAZ KIYA NEHAYAT KAMYABI KE SATH HER 92 MINUTE KE BAAD HAMARI ZAMEEN KA AIK CHAKKER LAGA LETA THA . IS SAYARE NE KHALA MAIN REH KER MAJMOOI TOR PER 39700000 MEEL KA SAFAR TAY KIA AUR ZAMEEN KE GIRD 1394 ROUND LAGAYE .

KHALA MAIN IS MASNOI SAYARE KI RAFTAR 5 MEEL FEE SECOND WAQT KE SATH KAM HOTI GAYE AUR ISKA FASLA ZAMEEN SE GHAT'TA RAHA AUR 3 MONTH BAD YE SAYYARA ZAMEEN KI HAWA'ON MAIN TAIZ-RAFTARI KE SATH DAKHIL HUA AUR HAWA KI RAGER SE PAIDA HONE WALI HARARAT SE JAL KER TABAH HO GAYA .

SPUTNIC OOL KI 92 KI KAMYAB ZINDAGI NE INSAN KO NA SIRF LHALAI DOUR MAIN LA KHARA KIYA BALKE KHALA KI PUR-ISRAR MALOOMAT SE AGAH BHI KIYA AUR IS TARAH 4 OCTOBER 1957 KA DIN INSANI TAREEKH KA YAAD-GAR DIN BAN GAYA . . .

SINDH MAIN AAINDA SEELAB KO ROKNE AUR MOJOUDA SEELAB KE PANI KA SAHEH ISTEMAL (URDU)

YE ZARRORI HAI KE SINDH MAIN IS WAQT KE SEELAB KE US RUKH PER NAZER DALNA ZAROORI HAI KE JIS PER SINDH KE GOVERNMENT . MACHINERY . DANISHWER . PRIVATE IDAREY . MEDIA . AUR DOSRI ALMI TANZEEMON NE GHOR-O-FIKAR NAHI KIYA HAI . YE SAB BAYAN KERNE SE PEHLE HAMEIN YE MALOOM HONA CHAHIYE KE PANI AIK QUWWAT (POWER) . AIK WASEELA AUR DOLAT KA ZARIYA HAI . DUNYA KE KAI MULK SIRF US WAQT WAJOD MAIN AAYE JAB WAHAN PER BARAF (ICE) 50.50 KILO METER PER GALNA SHURU HO GAI JIS KE NATEEJE MAIN WAHAN PER LOGON NER AANA SHURU KER DIA AUR KHUSHI KE MARE RAKS KERNA SHURU KER DIA AUR AAJ WAHAN DUNYA KE BEHTREEN MULK ABAD HAIN. AUR NOWAYR AUR ICE LAND IS KI BEHTREEN MISAL HAIN JO SIRF PANI KI WAJAH SE WOJOD MAIN AAYE AUR AAJ DUNYA KE TARAKKI YAFTA MUMALIK MAIN SHUMAR HOTE HAIN .

AB SINDH MAIN SEELAB KE AANE SE AUR USKE KHATAM HONE TAK KA JAIZA SCIENCE POINT OF VIEW SE LETE HAIN . DUNYA KI HER NADI (NALA) PAHAR (MOUNTAIN) MAIN BARAF GINE KI WAJAH SE BEHTI HAI AUR PANI MUKHTALIF JAGAH SE HOTA HUA SAMANDER MAIN JATA HAI . ALLAH TALA NE AIK AYSA NIZAM BANAYA HAI JO PANI AIK TARAF TO KALA (BLACK) YA PHIR ZEHER BAN JATA HAI TO DOSRI TARAF YAHI PANI MEETHA BAN  KER DUNYA KE ZARE ZARE KO ZINDAGI DE RAHA HAI . YE QUDRATI NIZAM JAB SE ZAMEEN BANI HAI TAB SE QAIM-O-DAIM HAI . PHIR INSAN NE APNE ILM . AQAL SE KAI SCIENTIFIC WASEELEY PAIDA KIYE AUE JAHAZ-RANI PAIDA KI JISKE ZARIYE SE DARYA AUR SAMANDER MAIN SAMAN KI TARSEEL HONE LAGI . YE AAM BAAT HAI KE YAHI PANI DARYA MAIN SE HOTA HUA ZARA'AT AUR PENI KE LIYE ISTIMAL HOTA HAI LEKIN YE AAM BAAT NAHI HAI KE COMPUTER MAIN MOJOUD SOFTWEAR BARAF (ICE) KI GIRNE KI MIQDAR NAAP SAKTA HAI KE HER SAAL YAHAN K ITNI BARAF GIREY GI . AGER YE MIQDAR KAM HOTI HAI TO ZARA'I ZAMEEN WALON KO KHABARDAR KIYA JATA HAI KE ZAMEEN MAIN ITNA BEEJ ISTIMAL KARO YA ITNA PANI ISTIMAL KARO YA ZAMEEN KHOD KER MEETHA PANI NIKALO AUR AUR JAHAZ-RANI WALON KO BHI KHABARDAR KIYA JATA HAI KE AGER PANI KAM TO JAHAZ KO ITNE DRAFT (JAHAZ KI ONCHAI) PER CHALAYEN AUR SAMAN KI TERSEEL KE LIYE YE RASTA ZIYADA MUNASIB RAHE GA . LEKIN AGER BARAF KI MIQDAR PICHLE 10 SAALON MAIN ZIYADA GIRNE KA ANDESHA HAI TO PHIR AYSE TAREEKE ISTIMAL KIYE JATE HAIN JISKO FLOOD RISK ASSESSMENT KAHA JATA HAI JO KE HER MULK MAIN HOTA HAI AUR YE AYSA GLOBAL IDARA HAI JO KE INTERNER PER MALOOMAT FARAHAM KERTA HAI . IQWAM-E-MUTTAHIDA KE KAI IDARE IS PER KAAM KER RAHE HAIN ZIYADA DAIR NAHI LAGTI KE PATA CHAL JATA HAI KE IS SAAL KIS DARYA MAIN SEELAB (FLOOD) KE AANE KA KHDSHA HAI .

BARSAT KA PANI KHUD AABI-BUKHARAT KI SORAT MAIN HOTA HAI JO ISI SEELAB YA DARYA YA SAMANDER KE PANI SE BANTE HAIN . PAKISTAN MAIN BHI AYSE IDAREY HONE CHAHIYEN AUR KHAS TOR PER SINDH MAIN . LEKIN JAB KOI NAYA IDARA PAKISTAN MAIN QAIM HOTA HAI TO US MAIN JADDED TECHNOLOGY SE NA-WAQIF ENGINEER HOTE HAIN IS LIYE ZAROORI HAI KE JAB KOI NAYA IDARA YA RESEARCH CENTRE QAIM KIYA JAI TO US DEPARTMENT SE MUNSALIK MAHIR MULKON SE TECHNICAL SUPPORT LI JAYE AUR ISI MOZU PER UNIVERSITIES QAIM KI JAYEN AUR KHAS TOR PER JAPAN SE MADAD LENE PER JADEED SE JADEED TECHNOLOGY HAMARE MULK MAIN AA SAKTI HAI . AGER SEELAB KI KHABAR DECEMBER MAIN HO JATI TO SHAYAD ITNA NUKSAN NA HOTA LEKIN IS KE  LIYE HAMAREY MULK FLOOD RISK ASSESSMSENT TECHNOLOGY NAHI THI .

SEELAB SE LEKER AB TAK SINDH KI MEDIA SE "DIDASTER MANAGEMENT AUTHORITY" KA NAAM SUN'NE MAIN AA RAHA HAI LEKIN ISKA KOI AYSA ZIMMEDAR SHAKS NAHI HAI JO YE TABAHI GIRAFH KI SORAT MAIN BATA SAKE SEELAB BARE BARE MULKON MAIN AATE REHTE HAIN AUR YE AIK QUDRATI AFAT HAI LEKIN ALLAH TALA NE QURAN-E-PAK MAIN FERMAYA HAI KE " CHEEZON PER GHOR KERNE SE TUMKO HER BAAR AIK NAI MANA (TRASNLATE) SAMAJH AAYE GI" QUDRATI AAFAT AAMAL KI WAJAH SE BHI AATI HAIN .

YE BHI AIK HAQEEQAT HAI KE IS WAQT MULK KO SAKHT IMDAD KI ZAROORAT HAI LEKIN HAMKO APNI ECONOMY MAIN KHUD-KAFEEL HONA PAREGA KIYON'KE IMDAD SIRF WAQTI TOR PER AWAM KO MUSHKIL WAQT SE NIKALNE KE LIYE HOTI HAI . HEERAT KI BAAT TO YE HAI KE HAMARI TANZEEMEN BHI SIRF BAHAR KI IMDAD KO HI MULK KE CHALNE KA ZARIYA SAMAJHTI HAIN . AJEEB BAAT HAI KE HAMARE MULK MAIN KOYLA . OIL . GAS . ZARA'I ZAMEEN . AUR JAHAZ-RANI BHI MOJOUD HAI PHIR BHI HUM LOG GHAREEB HAIN KIYONLE HAMNE APNE WASAYEL KO ISTIMAL KERNE KA TAREEKA NAHI SEEKHA HAI . AIK KHAYAL YE BHI HAI KE AB JO SEELAB KA GHAIR-ZAROORI PANI JO BEH RAHA HAI YA KAHIN PER JAMA HAI JO KE ZARA'I ZAMEEN KE BHI QABIL NAHI RAHA HAI TO IS PANI KO BIJLI (ELECTRIC) BANANE KE LIYE STORE KIYA JAYE SINDH KE HER DISTRICRT MAIN POWER PLANT QAIM KIYE JAYEN JO IS WAQT MOJOUDA BIJLI KE BOHRAN SE NIKALNE KE KIYE KAFI HAI AUR IS PANI KO STORE KERNE KE LIYE CATCHMENT AREA QAIM KIYE JAIN JO HER DISTRICT KE MOJODA PANI KO ZAROORTA KE MUTABIK TREATMENT KARE JIS SE BIJLI BANA KER ISTIMAL KI JAYE AUR IS KAAM KE LIYE QARZ KI BHI ZAROORAT NAHI HAI MULK MAIN MOJOUD ENERGY DEPARTMENT DAWAT DE KER AIK KHAS TANASUB SE YE KAAM SHURU KIYA JAYE . AAM TOR KAHA JATA HAI INSAN KO ZINDAGI MAI SIRF AIK DAFA MOKA MILTA HAI LEKIN AGER US NE US MOKE SE FAIDA NAHI UTHAYA TO WO NA-AHIL HAI . AB SEELAB KI WAJAH SE RONE AUR CHILLANE KI BIJAYE YE SOCHA JAYE KE YE KAAM KAB SHURU KIYA JAYE AUR ISKE ILAWA SEELAB KE PANI SE AUR KIA FAWAID HASIL HO SAKTE HAIN .... ASIF JAMLI

MUSLIM SCIENTIST (URDU)

YE ZAMANA ILM KA HAI AUR NAI EJADAT (INVENTIONS) KE HAWALE SE SCIENCE KA ZAMANA HAI . AIK ANDHA (BLIND) BHI IS HAQEEQAT SE INKAR NAHI KER SAKTA  KE MOUJODA ZAMANE KI SARI TARRAQI RESEACH AUR ILM PER QAIM HAI .QOUM KE UROJ AUE ZAWAL KI TAREEKH YE WAZIHA TOR PER YE INKISHAF KERTI HAI KE JIN NATIONS NE JID-O-JEHAD NAHI KI WO ILMI KHAZANO SE DOOR HO GAIN AUR RUSWAI UNKA MUQADDAR BAN GAYA .

1400 SAAL PEHLE DUNYA MAIN SIRF JEHALAT THI HER TARAF FASAD THA . JIHALAT KI IS SE ZIYADA AUR KIA MISAL HO SAKTI HAI KE WALIDAIN APNI AULAD KO QATAL KER DIYA KERTE THAY . BE-HAYAI AUR FAHASHI AAM THI . JAB ZAMEEN FASAD SE BHAR GAI TO INSAN NE INSANIYAT KO CHOR KER HEWANIYAT APNA LI THI TO ALLAH TALA NE ZAMEEN KO DOBARA PUR-SUKOON BANANE KE LIYE APNE MEHBOOB BANDE HAZARAT MOHAMMED MUSTAFA (SALLALLA-HU-ALAIHI-WASSALAM) KO ZAMEEN PER PAIDA FERMAYA AUR PHIR NABI-E-KAREEM (SALLALLA-HU-ALAIHI-WASSALAM)  NE AJEEB-O-GHAREEB . HERAT-ANGAIZ TOR PER ALLAH TALA KI NISHANIYON KO KHOL KHOL KER IS TARAH BAYAN KIA KE IBTIDAI DOOR MAIN ZAMEEN-O-AASMAN KI HAQEEQAT ARBON  PER ZAHIR HO GAI.
                          QURAN-E-KAREEN NE BATAYA: (TRANSLATE INTO URDU)

BE-SHAK ZAMEEN-O-AASMAN KI PEDA'EISH AUR RAAT DIN KE BAAR BAAR ZAHIR AUR CHUPNE MAIN AQALMAND LOGON KE LIYE NISHANIYAN HAIN .JO LOG UTH'TE BETH'TE AUR LETE HUE ALLAH KO YAAD KERTE HAIN AUR AASMAN AUR ZAMEEN KI TAKHLEEQ PER GHOR AUR FIKAR KERTE HAIN PHIR KEHTE HAIN KE:ALLAH TO NE YE SAB FUZOOL NAHI BANAYA HAI AUR HAMEIN DOZAKH KI AAG SE MEHFOOZ KERDE.   (SORAH AL-IMRAN AYAT NO: 190-191)

ARAB QOUM MAIN JAB ILM AA GAYA AUR JAB MUSALMAN ILM KI TALASH MAIN NIKAL PARE TO UNHON NE ILM KA KOI SHUBA NA CHORA AUR UNKI RESEARCH PORI DUNYA KE LIYE HERAT-ANGAIZ BHI HAI AUR SABAK-AAMOZ BHI .
MAGHRIBI MUMALIK KI LIBERARIES AAJ BHI MUSALMAN SCIENTIST KI BOOKS SE BHARI PARI HAIN YE WO MUSALMAN THAY JINHON NE APNI RESEARCHES KI ZAREEYE ALAM-E-ISLAM MAIN US WAQT ROSHNI PHEELAI JAB DUNYA JIHALAT KI TAREEKI MAIN DOOBI HUI THI IN MAIN KUCH KE NAME YE HAIN :

ABDUL MALIK ASMAI : ISNE MATHEMATICS . ILM-E-NABATAT . ZOLOGY . INSAN KI PAIDA'EISH (THE CREATION OF MAN) PER RESEARCH KI AUR YE SCIENCE KE PEHLE BANI THAY .

JABIR BIN HAYAN : INKI BOOKS KI TRANSLATIONS KER KE 15TH CENTUARY TAK DUNYA KI MUKHTALIF UNIVERSITIES MAIN PARHAI JATI RAHEN INHON NE CLOTHS WATER PROOF . IRON KO ZANG SE MAHFOOZ RAKHNE KE TAREEKE AUR SHEESHA (MIRROR) KO RAGEEN KERNE KA  TREEKA EJAD KIA.

MOHAAMED BIN MOOSA : NE MATHS MAIN "0" (ZERO) KA IZAFA KIA AUE SITARON KE MAPS BANA'EY AUR GUGHRAFIC PER RESEARCH KI.

ALI-IBNE-SUHAIL : FIRDOUS-UL-HIKMAT KE NAAM SE SAB SE PEHLE "TIB" PER AIK/1 COMPLETE BOOK LIKHI.

YAQOUB BIN ISHAQUE AL-KUNDI : ISNE ILM-E-FALKIYAT .CHEMISTRY .MUSIC AUR PHYSICS MAIN MAHIR THA AUR YE 265 BOOKS KE WRITTER BHI HAIN.

ABU-AL-QASIM ABBAS : HAWA MAIN URNE KE TAJURBEY KERTA RAHA UNKI KOSHISH'EN AEROPLNE BANANE KE LIYE BEHTER SABIT HUEIN AUE DHOOP GHARI (SUN-WATCH) INKI INVENTION HAI.

SABIT BIN QURRAH : LIVER AUR GEAR EJAD KIYE AGER YE EJAD NA HOTE SHAYAD AAJ HAM BARI MACHINE KE ZARIYE NAI NAI INVENTIONS NAHI KER SAKTE THAY.

ABU BAKAR MOHAMMAD BIN ZAKARIYA : KO SURGERY MAIN MASTER THAY OPERATION KE BAD SKIN KO SEENE TA TAREEKA BHI USI KI EJAD HAI.

ABU AL HASSAN AL-MASOODI : SAB SE PEHLA AADMI HAIN JIS NE BATAYA THA KE ZAMEEN KI JAGAH SAMANDER THA AUR SAMANDER KI JAGAH ZAMEEN . YE BAT USNE US WAQT BATAI THI JAB PAIMAESH KE LIYE KOI SCIENCE WEAPON NAHI THAY.

ABN-E-SEENA : MEDICAL SCIENCE MAIN MASTER THAY USNE ILM-UL-ABDAN KA MAP BANAYA AUR USKE ALAG ALAG PICTURES BANAI . PRESENT MEDICAL SCIENCE MAIN ANATOMY UNHI KI BOOK KI TRANSLATE HAI .UNHON NE JISMANI HARAT NAPNE KA TAREEKA EJAD KIYA THA JO AAJ BHI HAMARE PAAS THERMOMETER KI SORAT MAIN MOJOUD HAI .

ABU NASAR AL-FARABI - : NE MUSIC KA AIK AYSA AALA BANAYA THA KE JISKI AWAZ SUN'NE WALA KABHI HANSTA THA KABHI ROTA THA AUR KABHI SO JATA THA.

IN BAYAN KERDA SCIENTISTS KE ILAWA BHI 20 SCIENTIST AYSE HAIN JINHON NE RESEARCH KE BAD SCIENCE KI BUNYAD RAKHI .
ARAB SE PEHLE EUROPE , AMERICA , MISAR , AUE ASIA KE MIMALIK MAIN MAIN SCIENCE KA KOI AMAL DAKHAL NAHI THA THORA BUHAT 'UNAN" MAIN ILM THA .

ILMI RESEARCH AUR NAI EJADAT HAMRE NABI (SALLALLA-HU-ALAIHI-WASSALAM) KI TALEEMAT KA NATEEJA HAIN . QURAN-E-PAK NAZIL HONE KE BAD ARAB JAB ILM SE BHAR GAYA TO US WAQT BHI MAGHRIBI MUMALIK MAIN TEHZEEB AUR CULTURE KA NAAM-O-NISHAN TAK MOJOUD NA THA AUR RUSSIA KE AWAM INSANI KHOPRIYON (BRAIN) MAIN PANI PETE THAY.

NABI-E-KAREEM (SALLALLA-HU-ALAIHI-WASSALAM) ILM-E-QURAN SE INSANON KI ZINDAGI BADAL DI QURAN AUR USKE BATAYE HUE ILM PER CHAL KER SIRF 50 SAAL KI MUDDAT MAIN MUSALMANON NE AADHI SE ZIYADA DUNYA FATAH KERLI. AUR DUNYA BHAR KI SALTANAT MUSALMNON KE QADMON MAIN AA GAEIN. QURANI AAYAT KE ANWAAR SE ROSHAN DIL MUSALMANON NE DUNYA MAIN INQILAB PAIDA KER DIA .

QURANI NAZARIYE KE MUTABIK MUSALMONON KI LIKHI HUI BOOKS KI TRANSLATIONS KO DUNTA BHER MAIN AYSA MAQAM MILA KE UNVERSITIES QAIM HO GAIN MUKHTALIF ULOOM PER LIKHI BOOKS DUNYA BHAR KI UNIVERSITIES MAIN 400 SAAL TAK PARHAI JATI RAHEIN EUROPE KE TAMAM WRITTERS IS BAAT PER MUTTAFIK HAIN KE AGER ARAB NA HOTE TO EUROPE ILM KI ROSHNI SE MEHROOM REH JATA .

5TH AUR 6TH CENTUARY KE BAAD MUSALMANON KA ILMI ZAWAL SHURU HUA . MUSLIM QOUM QURAN AUR USKI RESEARCH SE DOOR HO GAI AUR QURAN KI ZUBAN MAIN HASIL SHUDA ULOOM KO BHULA BAITHAY JISKE NATEEJE MAIN MUSALMAN QURANI ILM MUSALMNON SE DOOR HO GAYA .

JOB KOI QOUM FIKAR . ILM . RESEARCH . HIKMAT . AQAL . SE MEHROOM HO JATI HAI TO DIVID HO JATI HAI AUR FIRQON MAIN TAQSEEM HO JATI HAI AUR UN MAIN IJTIMAIYAT KHATAM HO JATI HAI.       ....     ASIF JAMALI

SINDH FLOOD 2010

SINDH MAIN SEELAB BE BACH JANE WALON SHAHRON MAIN SEELAB ZADGAN KI TADAD MAIN IZAFA HOTA JA RAHA HAI . KARACHI MAIN MUTASIREEN KO DO/2 WAQT KA KHANA TO MIL RAHA HAI LEKIN DOSRE SHAHRON MAIN SEELAB ZADGAN KI HALAT NA-QABIL-E-BAYAN HAI . BARE SHAHRON MAIN MOJOUD SEELAB MUTASIREEN SOBE BHAR KE MUTASIREEN KA 10% BHI NAHI HAI . HAQEEQAT YE HAI KE AGER HUKUMAT , DONARS , AUR MUA'ZIZ HAZRAT IN MUTASIREEN KI FORI MADA NA KERTE TO ITNA BARA DISASTER HO SAKTA THA KE JISKA KOI TASSAWER BHI NAHI KER SAKTA THA . SIRF THATTHA AUR USKE MAZAFAT KE 1/1.2 LAKH MUTASIREEN MAKLI KE TAREEKHI QABRASTAN MAIN ZINDAGI GUZAR RAHE HAIN DUNYA MAIN BE-GHER AFRAD KO TAKLEEF AUR PARESHANI KA SAMNA KERNA PARTA HAI LEKIN YE DUNYA KI PEHLI QOUM HAI JO ZINDA HONE KE BAWAJOUD QABRASTAN MAIN ZINDAGI KI GHARIYAN GUZARNE PER MAJBOOR HAIN . SIRF THATTHA SE 7 LAKH AFRAD NE NAKAL-MAKANI KI HAI . IN MAIN BARI TADAD KHAWATEEN AUR BACHON KI HAI . INKE PAS NA TO ROTI HAI AUR NA HI PANI . MUTASIREEN JAB KHANE PEENE KI CHEEZ DAIKHTE HAIN TO HER QISIM KE AADAB BHOOL KER US PER TOOT PERTE HAIN KIYON'KE BHOOK AADAB MAIN NAHI DHAL SAKTI .
SINDH HUKUMAT NE AITRAF KIA HAI KE IS WAQT 60 LAKH AFRAD BE-SARO-SAMAN KHULE AASAMAN KE NEECHE PARE HUE HAIN . HUKUMAT SIRF 10 LAKH AFRAD KO RELEIF KEMP TAK PUHANCHA SAKI HAI . AGER FORI TOR PER IMDAD NA HUI TO HAZARON KI TADAD MAIN KHAWATEEN , BACHON , AUR BUZURGON KI HALAKAT KA KHADSHA HAI . MAHIREEN KI KEHNA HAI KE YE BARE-SAGHEER KI SAB SE BARI NAKAL-MAKANI HAI .
SINDH MAIN SEELAB KE NUKSANAT KA DURUST AADAD-O-SHUMAR KISI KE PAS NAHI HAI LEKIN SINDH HUKUMAT NE JO NUKSAN KA ANDAZA LAGAYA HAI ISKE MUTABIK SINDH MAIN 6 HAZAR DEHAT (VILLADES) , 32 LAKH ZARAI IRAZI , 19 LAKH EIKAR PER KHARI TAYYAR SHUDA FASLEIN , 4 LAKH SE ZIYADA GHER , AUR 2 LAKH SE ZIYADA JANWER HALAAK HO CHUKE HAIN . 200 AFRAD MAR CHUKE HAIN AUR 800 TAK ZAKHMI HUE HAIN . SEELAB SE 450 ARAB KA NUKSAN HUA HAI (ASAL AADAD-O-SHUMAR PANI GUZARNE KE BAD HI SAMNE AA SAKEN GEN) FASLON KO PUHANCHNE WALE NUKSAN KA AZDAZA 113 ARAB LAGAYA GAYA HAI . 500 TAK FISHRI FARM TABAH HO CHUKE HAIN . LIVE STOCK AUR FISHRES KE NUKSAN KA ANDAZA 12 ARAB HAI . 40 CHOTE SHAHER IS WAQT PANI KI LAPAIT MAIN HAIN AUR UN MAIN TABAHI KA ANDAZA 40 ARAB HAI . 1800 SOBAI JABKE 4500 SE ZIYADA KILO METER KE ROADS PANI MAIN DOOBE HUE HAIN AUR UNKE NUKSAN KA MAJMOOI ANDAZA 40 ARAB HAI . ARRIGATION KO PUHANCHNE WALE NUKSAN KA ANDAZA 52 ARAB HAI . HEALTH DEPARTMENT KE 100 SE ZIYADA HEALTH CENTRE TABAH HUE JINKA NUKSAN 3 ARAB HAI . SEELAB SE NIMATNE KE LIYE GOVERNER HOUSE (KARACHI) GOVERNER SINDH AUR CHEEF MINISTER SINDH KI ZAIR-E-SADARAT IJLAAS HUA JIS MAIN SEELAB KI TABH'KARIYON , IMDADI KAMON , AUR DER-PESH MASAYEL KA JAYZA LIYA GAYA IJLAAS MAIN GHAIR-MULKI IMDADI IDARON KE NUMAINDE , CIVIL , FOUJ , GOVERNMENT OFFICERS , WAZEER , SANAT'KAR , TAJIR , AUR SAHAFI . TABKE NE SHIRKAT KI .
MAHIREEN KA KHAYAL HAI KE SEELAB MUTASIREEN KE WAPSI KE AMAL MAIN AT LEAST 6 MONTHS LAG SAKTE HAIN . PROVINCIAL DISASTER MANAGEMENT AUTHORITY KE DIRECTER NE BATAYA HAI KE SINDH KE 17 DISTRICT BURI TARAH MUTASIR HUE HAIN . JACOBABAD AUR KASHMORE 30% . KHAIRPUR 38% . AUR SUKKUR MAIN 25% AREA MUTASIR HUA HAI . AUR SHIKARPUR . DADU . SEHWAN . KHAIRPUR NATHIN SHAH . MEHAR . HYDERABABD . JAMSHORO . SAJAWAL . THATTHA . BADIN BURI TRARH PANI KI LAPAIT MAIN HAIN . SINDH HUKUMAT NE SEELAB KI TABAH'KARI BAYAN KERTE HUE KAHA HAI KE SINDH KE PAS ITNE WASAYEL HI NAHI HAIN KE WO ITNA BARA NUKSAN BARDASHT KER SAKE . AGER FORI TAWAJJA NA DI GAI TO SEELAB SE AANE WALA BARA SEELAB AMRAZ KA HOGA JIS MAIN AURATON , BACHON , AUR BUZURGON KI BARI TADAD MAIN HALAKT KA KHADSHA HAI . AUR JIN AREA MAIN SEELAB AA CHUKA HAI WAHAN SHAYAD 3 SAAL TRAK KOI FASAL HI NA HO AUR HAMARI SINDH KI AWAM KA ZIYADA TER HISSA KASHT'KARI KERTA AHI AGER FASAL NA HUI TO WO LOG APNA PAIT KESE PALEIN GE AUR JINKE GHER DOOB CHUKE HAIN UNKO APNI ZINDAGI DOBARA SHURU KERI PARE GI AUR YE BUHAT HIMMAT KA KAAM HAI ...
SINDH PAKISTAN KA WO WAHID SOBA AHI JO SAB SE ZIYADA REVENUE DETA HAI . QAYAM-E-PAKISTAN SE LEKAR AAJ TAK IS SOBE NE MULK KE LIYE QABIL-QADAR KHIDMAT ANJAM DI HAIN LEKIN AAJ IS SOBE KI AWAM KI WO HALAT HAI JO KABHI SOMALIA AUE ETHOLIPIA KIA HUA KERTI THI . MEDIA AUR AKHBARAT MAIN DIKHAYE JANE WALI TABAHI ASAL KA 10% BHI NAHI HAI . ISI LIYE NGO , GOVERNMENT , DONARS KE BEGHAIR SINDH BE-BAS NAZAR AA RAHI AHI .    ...     ASIF JAMALI

SINDH MAP (according to provivces)

OUR UNIQUE SINDH

BHARTI HIGH COURT KA BABRI MASJID AUR MUSALMANON KE KHILAF FAISLA.

ILLAH ABAD HIGH COURT NE BABRI MASJID KI MILKIYAT SE MUTALLIQ SUNNI WAQF BOARD KI DARKHAST KHARIJ KERTE HUE FAISLA HINDU'ON KE HAQ MAIN DIA HAI . HIGH COURT NE APNE FAISLE MAIN KAHA HAI K JIS JAGAH IS WAQT AARZI MANDIR HAI WO RAM JANAM BHOMI HAI AUR WO MANDIR HI KI JAGHA HAI AUR IS PORI JAGAH KO TEEN/3 HISSON MAIN DIVID KIA JAYE GA JIS MAIN SE AIK/1 RAM BHOMI AIK/1 NERMOHI (AIK HINDU TANZEEM ) AUR AIK/1 HISSA MASJID KO DIA JAYE GA SUNNI WAQF KE BOARD KE WAKEELON NE FAISLE PER MAYOUSI KA IZHAR KERTE HUE SUPREME COURT MAIN APPEAL KERNE KA FAISLA KIA HAI ,

IS FAISLE SE HINDU'ON KA AIK BAAR PHIR MUSALMANON KE BARE MAIN TA'ASUB KHUL KER SAMNE AA GAYA HAI UNKE DIL NA PEHLE MUSALMANON KE BARE MAIN SAAF THEY AUR NA AB SAAF HAIN AUR AB BHARTI ADALATEIN BHI IS MAIN SHAMIL HO GAI HAIN IS SE ZAHIR HOTA HAI KE HALAAT BEHTER HONE KE BIJAYE AUR ZIYADA KHARAB HO SAKTE HAIN AUR IS FAISLE NE AIK BAAR PHIR QAYAM-E-PAKISTAN KO UJAGER KER DIA HAI AUR YE HAQEEQAT BHI WAZIHA HO GAI HAI K WAHAN K MUSALMAN KIN HALLAT MAIN ZINDAGI GUZAR RAHE HAIN.

BHARAT KI ISLAM DUSHMAIN KHUL KER SAMNE AA GAI HAI K HINDO'ON NE HAMEESHA KI TARAH MUSALMONON SE DUSHMANI KI HAI AUR BHARTI COURT KA FAISLA GHAIR-DANISHMANDANA HAI .

MUKHTALIF TANZEEMON NE EHTAJAJI MUZAHIREY KIYE HAIN AUR BHARTI PERCHAM NAZR-E-AATISH KIYE HAIN BHARTI HUKUMAT KO APNI RAWIOSH TABDEEL KERNE KI ZAROORAT HAI BHARAT MAIN SIRF HINDU'ON KO NAHI BALJKE MUSALMANON KO BHI JAAN AUR MAAL KA TAHAFFUZ FARAHAM KIYA JAYE AUR UNKE SATH TA'ASUB NA KIYA JAYE.. . .. . . .ASIF JAMALI

I LOVE MY SINDH PLEASE PRAY FOR OUR SINDH

GHAM -ZINDAGI KIA SUNAON MERA SINDH DOOB RAHA HAI .


MAIN KHUSHI KAHAN SE LAON MERA SINDH DOOB RAHA HAI .


TUMHEIN YE GILA HAI MIZAJ KIYON HAIN BERHUM .

KAHO KESE MUSKARAON MERA SINDH DOOB RAHA HAI.

TUMHEIN EID KI KHUSHI HAI MUJHAY WO YAAD HAI LEKIAN .

MAIN YE KESE BHOOL JAON MERA SINDH DOOB RAHA HAI.