WORLD FORBES KI POWER-FULL PERSONALITY KI LIST MAIN PAKISTAN KE GENERAL PERVAIZ ASHFAQ KIYANI BHI SHAMIL...(URDU)

PAKISTAN KE CHIEF ARMY OF STAFF GENERAL PERVAIZ ASHFAQ KIYANI WO WAHID PAKISTANI HAIN KE JINKO WORLD FORBES KI TAQATWER-TAREEN SHAKHSIYAT MAIN SHAMIL KIYA GAYA HAI . JINKO 100 PERSONALITY KI LIST MAIN 29 NUMBER DIYA GAYA HAI . HINDUSTAN KI SONIA GANDHI TOP 10 MAIN SHAMIL HAIN . JABKE ISI LIST MAIN INDIA KE PRESIDENT MAN MOHAN SINGH KO FRANCE KE PRESIDENT AUR AMERICA KI HELRY CLINTON SE PEHLE 18 NUMBER PER RAKHA GAYA HAI . AUR DOSRI DIL-CHASP PERSONALITIES MAIN FACEBOOK KE FOUNDER MARK ZUCKERBERG KO 40 NUMBER JABKE AL-QAIDA KE USAMA BIN LADIN KO 57 NUMBER PER RAKHA GAYA HAI AUR HINDUSTAN KE UNDER WORLD KE DON DAWOOD IBRAHIM .

OPERA VINFERY KO PEECHE CHORTE HUE 63 NUMBER PER AA GAYE HAIN . ISKI LIST MAIN PHELE 1 NUMBER PER CHINA KE PRESIDENT HO-JIN-TAU HAIN . JABKE AMERICAN PRESIDENT BARAK OBAMA 2 NUMBER PER HAIN . . . ASIF JAMALI

FOR MORE ARTICLES VISIT :

www.jamali4all.blogspot.com 

ISLAM SE PEHLE KI AURAT (WOMEN) AUR ISLAM KE BAAD KI AURAT (WOMEN) KA MAQAM ... (URDU)

                           ISLAM MAIN  AURAT KA KIA MAQAM HAI :AURAT KHUDA KI AIK BUHAT BARI NEMAT HAI . AURAT DUNYA KI ABAD-KARI AUR DEEN-DARI MAIN TAQREEBAN MARD KE BARABAR HAI . MARD KE DIL KA SUKOON . DIL KI RAHAT . ZEHEN KA ITMINAAN . AUR BADAN KA CHAIN HAI . HAZRAT ADAM (A.S) AUR BIBI HAWA KE ILAWA TAMAM INSAN KI MAA HAI ISI LIYE QABIL-E-AHTIRAM BHI HAI . AURAT MARD KE LIYE TAMAM ZAROORI HAI AGER AURAT NA HOTI TO MARD KI ZINDAGI JANGLI JANWER KI TARAH HOTI . APNE BACHPAN MAIN AURAT BHAI . BEHEN . MAA . BAAP SE AUR SHADI KE BAAD APNE HUSBAND SE AUR MAA BAN KER APNI AULAD SE MUHABBAT KERTI HAI ISI LIYE AURAT KO AGER PIYAAR KA TAJ MEHEL KAHA JAYE TO GHALAT NA HOGA .

                DOUR-R-JIHALAT YA ISLAM SE PEHLE KI AURAT :

ISLAM SE PEHLE AURAT KI HALAT BUHAT KHARAB THI AUR USKI KOI IZZAT NA THI AUR MARD KI NAZAR MAIN USKI SIRF ITNI IZZAT THI KE WO USKI NAFSANI KHUWAHISH PORA KERNE KA AIK KHILONA THI . AURAT MARD KI DIN RAAT HER TARAH KI KHIDMAT KERTI THI YAHAN TAK KE KISI AUR KI MAZDOORI KER KE JO KAMATI THI WO BHI MARD KE HAWALE KERTI THI LEKIN MARD USKI PHIR BHI IZZAT NAHI KERTA THA . ZARA ZARA SI BAAT PER UNKO MARNA AUR PETNA KOI MASLA HI NA THA AUR UNKE JISMANI AAZA JESE NAK AUR KAAN KAT DIYE JATE THAY . AUR KABHI KABHI QATAL KER DIYA KERTE THAY AUR ARAB KE LOG LARKI PAIDA HOTE HI LARKI ZINDA DAFAN KER DIYA KERTE THAY . JIS TARAH BAAP KE MARNE KE BAAD LARKE UNKI MILKIYAT KE MALIK BAN JATE THAY USI TARAH WO APNI BAAP KI BIWI KE BHI MALIK BAN JATE THAY AUR UNKO LONDI BANA KER RAKH DIYA JATA THA . AURAT KO USKE BHAI YA BEHEN YA SHOHER KI MILKIYAT SE KUCH NA MILTA THA AUR NA WO KISI AUR CHEEZ KI MALIK HUA KERTI THI . BALKE BAAZ ARAB QABA'EIL MAIN YE QANOON THA KE AURAT KE BEWA HO JANE KE BAAD USKO GHER SE NIKAL DIYA JATA THA AUR USKO AIK SAAL TAK KAHEEN DOOR AIK CHOTI SE KHEEME MAIN AIK SAAL QAID RAKHA JATA THA . WO KHEEME SE BAHAR NAHI NIKAL SAKTI THI NA GHUSAL KER SAKTI THI AUR APNI KHANE PEENE KI ZAROORIYAT KHEEME KE ANDER HI PORA KERTI THI . BAAZ AURAT'EIN TO GHUT GHUT KER MAR JATI THI AUR JO ZINDA BACH JATI THI TO USKE ANCHAL MAIN OUNTH (CAMEL) KI GANDAGI DAAL KER USKO KAHA JATA THA KE KISI JANWER KE BADAN SE APNE JISAM RAGRE AUR PHIR ISI HAAL MAIN USE PORE SHEHER KA CHAKKER LAGAYA JATA THA AUR YE IS BAAT KA ILAAN HOTA THA KE AB ISKI IDDAT PORI HO GAYE HAI . ISKE ILAWA BHI AUR KAI ZILIMANA RIWAJ THAY . AUR HINDUSTAN MAIN AYSE ZALIMANA QANOON THAY KE BUS . . . HINDU DHARAM KE MUTABIQ BIWI APNE PATI KI SARI ZINDAGI KHIDMAT KERTI RAHE AUR JAB WO MAR JATA THA TI USKI LAASH KE SATH LET KER ZINDA JAL JAYE YANI "SATI" HO JAYE . PORI DUNYA BHER KE ZULM SIRF AURAT KE LIYE THAY . HAZARON SAAL TAK YE QAWANEEN NAFIZ RAHE . AURAT KE NA TO SAMAJI QAWANEEN THAY AUR NA HI UNKI KOI FARYAD SUN'NE WALA THA . BUS AIK ALLAH TALA KA SAHARA THA KE KOI AYSA MOJZA HO JAYE KE AURAT KO IN ZALIMON SE NIJAT MIL JAYE . AUR PHIR ALLAH TALA NE HAMARE NABI HAZRAT MOHAMMED MUSTAFA (SALLA-HO-ALAHI-WASSALAM) KO PAIDA FERMAYA AUR AURAT KI ZINDAGI HI BADAL GAYE AUR ZULM KE BADAL KHATAM HO GAYE  . . .

                            ISLAM KE BAAD AURAT KA MAQAM :

JAB HAMARE PIYAARE NABI HAZRAT MOHAMMED MUSTAFA (SALLA-HO-ALAHI-WASSALAM) KHUDA KI TARAF SE DEEN-E-ISLAM LE KER AAYE TO DUNYA KI AURAT KI SOI HUI QISMAT KA SITARA JAAG GAYA AUR ZULM AUR SITAM QAYAMAT TAK KE LIYE KHATAM HO GAYE AUR AURAT MARD KE MUQABLE MAIN AA GAI YAHAN TAK KE IBADAT . MILKIYAT . MERAAS . MAAL . SAMAN . AUR ILM MAIN MARD TAK PUHANCH GAI . MARD KI TARAH AURAT KE HUQOOQ NAFIZ HO GAYE AUR AASMAN SE AURAT KE QAWANEEN QAIM KER DIYE GAYE AUR DUNYA MAIN BHI ISLAMI QAWANEEN ADALAT QAIM HO GAYEN . AURAT KO MALIKANA HUQOOQ HASIL HO GAYE AUR WO TIJARAT MAIN WIRASAT MAIN APNE NIKAH KE HAQ-E-MEHER MAIN WARIS BANA DI GAYEN . WO AURAT JISKO MARD KISI ZAMANE MAIN APNI PAIRON KE NEECHE RAKHTA THA WO USKE DIL KA SUKOON AUR USKE GHER KI MALIKA BANA DI GAI . AB KOI BHI MARD KISI AURAT KO BILA WAJAH NA TO MAAR SAKTA HAI AUR NA HI USHI JAIDAD AUR TIJARAT CHEEN SAKTA HAI AUR BALKE MAZHABI TOR PER MARD AURAT KE HUQOOQ ADA KERNE KA PABAND HAI .

PORI DUNYA DEKH LE KE ISLAM WO PEHLA MAZHAB HAI KE JIS NE AURAT KO USKE ITNE SARE HUQOOQ DIYE AUR AYSA NA KERNE WALE KE LIYE SAZA BHI MUQARRAR KER DI . ISLAM NE HUSBAND AUR BIWI KI IJTIMAI ZINDAGI KO TAKHLEEQ KIYA AUR USKA HUKUMRAN MARD KO IS LIYE BANAYA KE AGER KOI ZINDAGI MAIN MUSHKIL AA JAYE TO MARD APNI KHUDA-DAD SALAHIYAT KE ZARIYE SE USKO HEL KERLE . LEKIN ISKE SATH SATH JAHAN AURAT KE KUCH HUQOOQ MARD PER LAZIM KER DIYE GAYEN HAIN ISI TARAH MARD KE BHI KUCH HUQOOQ AURAT PER LAZIM KER DIYE GAYEN HAIN . IS TARAH MARD AUR AURAT AIK DOSRE KE HUQOOQ MAIN JAKRE HUE HAIN TAKE WO MIL KER APNI IJTIMAI ZINDAGI KOI KHUSH-GAWAR BANA SAKEN . ISLAM MAIN AURAT KE HUQOOQ KO BULAND KER DIYA GAYA . YE SAB HAMARE NABI HAZRAT MOHAMMED MUSTAFA (SALLA-HO-ALAHI-WASSALAM) KA IS DUNYA KI TAMAM AURATON PER AHSAN HAI AGER YE TAMAM AURAT'EIN QAYAMAT TAK BHI NABI HAZRAT MOHAMMED MUSTAFA (SALLA-HO-ALAHI-WASSALAM) KA IHSAN MANEN TAB BHI KAM HAI .

YE HAI ISLAM AUR USKI TALEEMAT JO KE SIRF MUSALMAN HI NAHI BALKE TAMAM DUNYA KE HER MAZHAB KE INSANON KE LIYE HAIN . HAI KOI JO IS JESA MAZHAB LA SAKE . . . ASIF JAMALI

        FOR MORE ARTICLES PLEASE VISIT :

        www.jamali4all.blogspot.com

HINDUSTAN (INDIA) MAIN RAILWAY (TRAIN) CHALANE WALI AURAT'EIN (WOMENS) . . . (URDU)

AB TO INDIA MAIN AURAT'EIN (WOMENS) BHI TRAIN (RAIL-GARI) CHALANE LAGI HAIN . AURATON MAIN TRAIN CHALANE KA RUJHAN TAIZI SE PHAIL RAHA HAI JIS KE NATEEJE MAIN AB TAK INDIA MAIN 12 SE ZIYADA AURAT'EIN (WOMENS) RAIL-GARI DRIVER BANI HUE HAIN . 34 SAALA SOOBA BIHAR (INDIA) KI PREETY KUMAR WO PEHLI INDIAN WOMEN HAIN JINHON NE SAB SE PEHLE INDIA MAIN WOMEN TRAIN DRIVER HONE KA AIZAZ HASIL HAI . PREETY KUMAR NE AAJ SE KAI SAAL PEHLE HI APNI ZINDAGI KO MUMBAI KI RAILWAY TRACK PER LANE KA FAISLA KER LIYA THA . FIRST INDIAN WOMEN TRAIN DRIVER BAN'NE KE BAAD WO MEDIA AUR NUSAFIRON KI KHAS DHIYAN KA MERKAZ BANI HUI HAIN . YE YAAD RAHE KE HINDUSTAN MAIN DUNYA KA SAB SE BARA RAIL-WAY NIZAM MOJOUD HAI JIS MAIN 25000 SE ZIYADA TRAIN DRIVERS HAIN . 33 LAKH MUSAFIRON KE LIYE ROZANA  HER 3 MINUTE KE BAAD 100 KILO METER KE FASLE KE LIYE AIK TRAIN CHALAI JATI HAI . HINDUSTAN KE SOOBE BIHAR KE AIK CHOTE SE VILLAGE SE TALLUQ RAKHNE WALI PREETY KUMAR APNE VILLAGE KI WO PEHLI AURAT HAI KE JIS NE KUCH MUNFARID KERNE KA SOCHA THA AUR IS PER INKO AAJ BHI FAKHAR HAI . PREETY KUMAR KA KEHNA HAI KE MAIN HER WAQT SAFAR MAIN REHTI HOON AUR SAFAR KI TAFREEH MUSAFIRON KE SATH BANTNE KI KOSHISH KERTI HOON . ISI LIYE MAIN NE APNE PAAS TOFEES AUE CHOCOLATES KI TOKRI APNE PAAS RAKHI HUI HAI . APNI KARKER-DAGI KE HAWALE SE WO KEHTI HAI KE AIK AURAT HONE KE NATE SE WO SAKHT MEHNAT KER KE APNE APKO MANWANA CHAHATI HAIN . AUR KISI KO AYSA  KEHNE KA MOQA NA MILE YE AURAT HAI AUR SAHEH TAREEKE SE KAAM NAHI KER SAKTI . RAILWAY QANOON (LAW) KE MUTABIQ DRIVERS KE LIYE KOI WEEKLY HOLIDAY NAHI HAI . ISI LIYE USKO HER WAQT APNE DUTY KE LIYE TAYYAR REHNA PARTA HAI . WO ROZANA APNI 7 GHANTE (HOURS) KI DURAN TRAIN KO 4 DAFA UP AUR DOWN KE CHAKKER LAGWATI HAIN . JIS SE UNKO BEHTREEN SALARY . AIK RAILWAY QUARTER  . MUFT TREATMENT AUR PENSION KI SAHULAT HASIL HAI . PREETY KUMAR KA KEHNA HAI WO HINDUSTAN KI PEHLI TAXI DRIVER AURAT SUREKHA YADUV SE BE-HAD MUTASIR HAI AUR JISKI WAJAH SE MUJHAY APNI MANZIL PER PUHANCHNE MAIN REHNUMAI MILI . . . ASIF JAMALI 

           FOR MORE ARTICLES PLEASE VISIT :

           www.jamali4all.blogspot.com 

INTERNET AUR MOBILE SE HADEES YA QURANI AAYAT PHELANA KESE . . . IS SE ISLAH HOTI HAI YA GUMRAHI . . (URDU)

QUESTION : (1) ... INTERNET AUR MOBILE YA KISI SE SUNI HUI KISI BHI QISAM KI KOI HADSEES-E-NABVI (SALLAH-HO-ALAIHI-WASSALAM) YA SAHABA KIRAM KA QOUL YA QURANI AAYAT SEND KERNA YA KISI AUR KO BATANA KESA HAI . . . ????

ANSWER : SAB SE PEHLE YE BAAT ZEHEN MAIN RAKHNA ZAROORI HAI KE AAJ KAL WESE HI ITNE FITNE AUR FASAD KA DOUR HAI AUR AIK AYSA WAQT HAI KE JAB MUSALMAN KO APNI ISLAMI TALEEMAT KI AAGAHI HI NAHI HAI AUR NA HI USEY IS BAAT PER ZOOR DIYA JATA HAI KE WO ISLAMI TALEEMAT BHI MUKAMMAL KARE BALKE EUROPUION CULTURE PER USKO TALEEMAT DI JATI HAIN . ISI TARAH KAM ILMI KI WAJAH SE AAJ KAL INTERNET . MOBILE . PER SMS YE MESSEGES KER KE HUM KOI BHI HADSEES-E-NABVI (SALLAH-HO-ALAIHI-WASSALAM) YA KISI SAHABA KA AUR KHAS TOR PER HAZRAT ALI JESE MUA'ZIZ SAHABA KE NAAM SE KOI QOUL HO USKO BEGHAIR TASDEEQ KE SEND KER DETE HAIN . AYSA KERNA BILKUL GHALAT HAI KIYON KE HAZRAT ALI KE NAAM SE BAAZ DAFA AYSE AQWAL INTERNET YA MOBILE SE SMS YA SEND KIYE JATE HAIN JISKO PARHNE KE BAAD DIL NAHI MANTA KE HAZRAT ALI JESE MUA'ZIZ SAHABI AYSI BAAT BOL SAKTE HAIN AUR BALKE BAAZ AUQAT TO UNKI SHAAN MAIN GUSTAKHI KI BHI JHALAK NAZAR AATI HAI . YAAD RAHE KE INTERNET YA MOBILE SE JO BHI HADSEES-E-NABVI (SALLAH-HO-ALAIHI-WASSALAM) YA SAHABA KA QOUL HOTA HAI AWWAL TO US MAIN KISI MUSTANAD HADEES KI KITAB KA HAWALA NAHI HOTA . AUR AGER KISI HADEES KI KITAB KA HAWALA HOTA BHI HAI TO HUM USKO BEGHAIR TASDEEQ KIYE AAGE SEND KER DETE HAIN . AYSA KERNA SAKHT GUNAH HAI KIYON KE AYSI KOI BHI HADEES YA QURANI AAYAT JISKI HUMKO KHUD KO KOI TASDEEQ NA HO TO KIYA WO HUMKO SEND KERNA CHAHAIYE ???? KIYA AIK MUSALMAN KA DIL YA GAWARA KER SAKTA HAI KE USKI TARAF SE KOI AYSE BAAT SEND KI JAYE JO KE USKE NABI NE NA KAHI HO ????? ISKI AIK MISAAL YA HAI KE JAB KOI NAYA ISLAMIC MONTH SHURU HOTA HAI TO US MAIN US MONTH KA NAAM LIKH KER KAHA JATA KE " NABI KA FERMAN HAI KE JIS KISI NE IS ISLAMI MONTH KI SAB SE PEHLE KISI KO MUBARAK DI TO US PER JANNAT WAJIB HO JATI HAI " AUR KISI MUSTANAD HADEES KA HAWALA BHI NAHI DIYA JATA . AB AAP KHUD HI SOCHIYE KE KIYA SIRF MOBILE PER FINGERS TYPE KERNE SE AGER KISI PER JANNAT WAJIB HOTI HAI TO PHIR ISLAMI TALEEMAT . NAMAZ . ROZA .HAJJ . ZAKAT . AUR DOSRE FARA'EIZ ADA KERNE KA HUKUM KIYON DIYA GAYA AUR PHIR UN PER AMAL KERNE KI ZAROORAT HI NAHI REHTI . YAAD RAKHEN ALLAH TALA NE INSAN KO AQAL-E-SALEEM ATA FERMAYE HAI KIYA YE AQAL IS BAAT KO MANTI HAI . AUR WESE BHI AAYE DIN NEWSPAPERS AUR NEWS T.V PER AYSE PROGRAMME AATE REHTE HAIN JIN MAIN BATAYA JATA HAI KE INTERNET AUR MOBILES PER 80% SE ZIYADA AHADEES GHALAT HOTI HAIN . AGER KISI KI ISLAH KERNI HAI TO ZATI TARAH KAREN AUR KHUD BHI AMAL KAREN AUR YAAD RAKHEN HADSEES-E-NABVI (SALLAH-HO-ALAIHI-WASSALAM) HAI KE HALAK HO WO SHAKS JIS NE MUJH PER JHOT BANDHA . HUM KOI BHI HADEES BEGHAIR TASDEEQ KE KOI BHI HADEES SEND KER DETE HAIN TO AAP KHUD HI SOCHEN KE HUM NE GUMRAHI AUR BIDAT KE ILAWA KIYA PHELAYA ???? AUR YE BHI SOCHEN KE ISKA FAIDA KIS KO HUA ????? ZAHIR HAI ISKA FAIDA MUSLIMS AGAINSTERS KO HUA AUR AAJ KAL WESE HI IS AAKHRI FITNE KE DOUR MAIN MUSALMAN BUHAT GUMRAH HO GAYA HAI BUHAT SE YAHOODI TARZ MAZAHIB NE MUSALMANIYAT KA NAAM LE KER NAYE FIRQE BANAYE AUR GUMRAHI PAIDA KI AGER AAP APNE IRD-GIRD NAZAR GHUMAYEN TO APKO KHUD HI PATA CHAL JAYE GA KE AAJ KE IS DOUR MAIN AIK SAHEH MUSALMAN KA AQEEDA BACHANA KITNA MUSHKIL KAAM HAI AAJ KE IS DOUR MAIN JAAN AUR MAAL TO BACHANA AASAN HAI LEKIN AQEEDA BACHANA BUHAT MUSHKIL KAAM HAI . KOI BHI AYSA KAAM NA KAREN KE JIS SE GUMRAHI PHELE WESE HI KAM ISLAMI TALEEMAT KI WAJAH SE SADA MUSALMAN JALD GUMRAH HO JATE HAIN . HUM SAMAJHTE HAIN KE HUM NE INTERNET YA MOBILE SE SMS SEND KER KE ISLAAM PHELAYA HAI LEKIN YE BAAT HAMARE ZEHEN MAIN NAHI AATI KE HUM NE KIA KIYA HAI . . . . KIA HAMARA ISLAAM AUR HAMARA DEEN BUS SMS TAK REH GAYA HAI AUR WO BHI AYSA KE JISKA KOI SUBOOT NAHI KE WO SAHEH QOUL YA HADEES HAI YA GHALAT . . .  AGER APKI KISI AIK SEND KI HUI GHALAT HADEES PER KOI AMAL PERA HOTA HAI WO GUNAH KIS KE SAR PER HOGA ????? AUR WESE BHI  SAB MOBILE PAK AUR SAF NAHI HOTE KIYA APNE KABHI SOCHA HAI KE MOBILE MAIN SONGS . BEHAYAI . AUR GHALAT SMS AUR FILMS BHI HOTI HAIN .AUR WRONGS PICS BHI . . . TO KIYA AYSE MOBILE MAIN ALLAH YA NABI YA SHABABA KA NAAM YA HADEES RAKHNA SAHEH HAI . . . AGER NAHI TO PHIR ABHI SE APNE MOBILE SE WO SARI NA-PAKI NIKAL DEN YA PHIR MUQADDAS NAAM AUR QURANI AAYAT AUR HADEES NIKAL DEN . . . KIYA KOI MUSLIM AYSA KER SAKTA HAI KE USKE NABI YA QURAN  YA ALLAH KA NAAM JO ZAMEEN PER GIRA HUA HO TO USKO TO UTHA KER AAHTIRAM SE KISI ONCHI JAGAH PER RAKH DE KE KISI INSAN YA JANWER KA PAIR NA PARE LEKIN APNE MOBILE YA INTERNET PER JO KE PAK NA HOON US PER APNE NABI AUR ALLAH AUR QUARN WAGHERA KA NAAM RAKHE KIYA YE HAMARI TALEEMAT HAIN . PLEASE AYSE KAAM SE TOBA KAREN AUR KOI BHI HADEES KISI KO SEND NA KAREN JISKI APNE KHUD TEHQEEQ NA KI HO AUR AGER KISI HADEES KA HAWALA BHI DIYA GAYA HO TO PHIR BHI AP PER LAZIM HAI KE AP KHUD SE ACHI TARAH SE RESEARCH KAREN . . . YAAD RAHE SAHEH AQEEDE AUR AAHTIRAM AUR MUHABBAT KE BINA EMAAN PER KHATIMA MUMKIN NAHI HAI . . . TO PLEASE AP KISI KI GUMRAHI KA SABAB NA BANEN AUR DOSRO KO BHI YE BAAT SAMJAHYEN AUR GUMRAH HONE SE KHUD BHI BACHEN AUR DOSRON KO BHI BACHAYEN  . . . . AGER APKO MERA ARTICLE PASAND AAYA HO TO PLEASE DOSRON KO BHI PARHNE KI DAWAT DEN TAKE HUM ISLAM MUKHALIF KO NAKAM BANA SAKEN AUR YE MUSLIM MUKHALIF KA IRADA HAI KE WO KISI TARAH MUSALMAN KO GUMRAH KER SAKEN AUR KAFI HAD TAK IS MAIN KAMYAB BHI HO GAYEN HAIN KE KISI TARAH MUSALMAN KO USKE ASAL DEEN SE HATA KER GUHRAH KER DIYA JAYE KIYON KE UNHON NE MUSALMAN SE JANG BHI LAR KER DEKH LEN LEKIN NAKAM HUE KIYON KE SAHEH AQEEDA MOMIN KISI SE NAHI HAARTA . YE BHI UNKI KOSHISH HAI . UNKI IS KOSHISH KO NAKAM BANAYEN AUR MUSLIMS KO GUMRAHI SE BACHA"EIN  . . . ASIF JAMALI

    FOR MORE ARTICLES PLEASE VISIT :

    www.jamali4all.blogspot.com

BALOUCHISTAN KE WASA'EIL AUR USKI MADNIYAT . . . (URDU)

BALOUCHISTAN PAKISTAN KA AIK BARE RAQBE PER PEHLA AIK PASMANDA TAREEN SOOBA (PROVINCE) HAI AIK REPORT KE MUTABIQ BALOUCHISTAN PORE PAKISTAN KI IRAZI KA 44% HISSE PER HAI . BALOUCHISTAN JAHAN WASA'EIL KI KOI KAMI NAHI HAI YAHAN PER KOYLA . GAS . TANBA . SNAG-E-MAR MAR . SONA AUR BUHAT SARI MADNI WASA'EIL BA-KASRAT MOJOUD HAIN . BALOUCHISTAN MAIN QUDRATI WASA'EIL KI HAMIL ZAMEENEN KISI AIK KI NAHI BALKE MUSHTERKA QABA'EILI MILKIYAT HAIN JISKI AIK SAB SE BARI MISAL "SOI" KA MAQAM HAI . BALOUCHISTAN KE AIK ZILA (DISTRICT) DERA BUGTI MAIN PICHLE 4 SAALON SE LARAI MAIN SENKRON KI TADAD MAIN BUGTI QABELE KE AFRAD AUR SECURITY FORCIS MAR CHUKE HAIN . IS LARAI KI ASAL WAJAH HAI "SOI GAS FIELD" . WESE TO IS WAQT DERA BUGTI MAIN 4 SOI GAS FIELDS MOJOUD HAIN JO KE "SOI" "PER-KOH" "LOTI" "UCH" KE MAQAM PER MOJOUD HAIN . LEKIN "SOI" IN SAB MAIN SE BARI AUR PURANI FIELD HAI JO 1952 MAIN DARYAFT HUI AUR 1955 SE YAHAN SE GAS KI PAIDA-WAR SHURU HO GAYI . LEKIN PICHLE 20 SAALON SE JO SINDH MAIN QADIR PUR AUR DOSRI JAGAH PER GAS DARYAFT HUI TO SOI GAS FIELD MULK KA SIRF 26% PAIDA-WAR REH GAI AUR IS SE PEHLE YE MULK KI SAB SE BARI GAS FIELD THI . SOI GAS FIELD PAKISTAN PETROLIUM COMPANY CHALATI HAI JISKA HEAD-QUARTER KARACHI MAIN HAI . "SOI" GAS FIELD SE ROZANA KI PAIDA-WAR TAQREEBAN 660 MILLION CUBIC FEET HAI AUR WAHAN AB BHI AIK ANDAZE KE MUTABIQ 2 TRILLIONS GAS KE ZAKHA'EIR MOJOUD HAIN . JIS MAQAM SE GAS NIKALTI HAI . US ZAMEEN KE MALIK KO COMPANY ACHA KHASA SAALANA YA MAHANA PAISA AUR KUCH JOBS DETI HAIN . "UCH" GAS FIELD KE BARE MAIN BATAYA JATA HAI WO TAMAM ZAMEEN NAWAB AKBER BUGTI KI THI JO UNHON NE APNE BETE KE NAAM KER DI THI JISKI ROYALTI AAJ BHI UNKO MIL RAHI HAI . BALOUCHISTAN MAIN GOVERNMENT MILKIYAT NA HONE KE BARABAR HAI . YAHAN KI ZIYADA TER IRAZI QABA'EIL KI MILKIYAT HAI . HUKUMAT NE YAHAN KE KUCH QABA'EIL SE ZAMEEN KHARED KER APNA PROJECT SHURU KIYA THA . MISAL KE TOR PER ZILA KHUZDAR KE AIK GAON (VILLAGE) CHHERRO KE MAQAM PER FOUJI CHAONI KE LIYE JO ZEHRI QABELE KI MUSHTERKA ZAMEEN THI 2 ARAB KI KHARED LI GAYE . SOI MAIN 400 EIKAR ZAMEEN JO SOI AIRPORT KE QAREEB HAI KHAREED LI GAYE AUR USEY  BHI FOUJI CHHAONI BANA DIYA GAYA . SOI MAIN KUCH AYSA AREA BHI HAI JO GENERAL AYOUB KHAN KE DOUR MAIN KHAREDA GAYA THA LEKIN MAJORITY NE ISE BECHNE SE INKAR KER DIYA AUR SIRF MADNIYAT NIKALNE KI IJAZAT DI AUR WO IS MAIN ROYALTY WASOOL KERTE THAY . ISI TARAH CHAMA-LANG KA AREA HAI JAHAN KOYLA KE BARE BARE ZAKHA'EIR HAIN . IS PROJECT PER GENERAL PERVAIZ MUSHARRAF KE DOUR MAIN KAAM KA AAGHAZ HUA AUR AB TAK PAK FOUJ KI NIGRANI MAIN LAKHON TAN KOYLA NIKALA JA CHUKA HAI . ISI TARAH "SENDACK" AUR "CHAGHI" KE MAQAM PER SONA AUR TANBA NIKALA JA RAHA HAI AUR WAHAN PER QABA'EIL TAQAT NA HONE KE BARABAR HAI ISI KIYE YE TAMAM ZAMEEN HUKUMAT KE PAAS HAI . GAWADER KI KAHANI BHI KUCH ISI TARAH HAI JO BALOUCH QOUM PARAST AUR HUKUMAT KE DARMIYAN TANAZA BAN KER REH GAYA HAI .QOUM PARAST KA MUTALBA HAI KE YAHAN PER TAMAM TER SARMAYA-KARI MUTTAHIDA ARAB EMIRATES KI TARZ PER HONI CHAHIYE JIS MAIN 51% SHIRAKAT-DARI MAQAMI LOGON KI AUR BAQI 49% BERONI SARMAYA KAR KA PAISA HO . AGER KOI SARMAYA KAR ISKI PABANDI NA KARE TO USKO NIKAL DENA CHAHIYE . YAHAN JAFFERABAD AUR NASEERABAD KI ZAMEEN ZARAI HAI AUR ISKE MALIK ZIYADA TER JAMALI . UMRANI . AUR KHOSA HAIN . MULK BHER KI TARAH KISANON KI ISLAH KA FAIDA YAHAN BHI NAHI HUA . BALOUCHISTAN KE SANJEEDA SIYASI AFRAD KA KEHNA HAI MAZI MAIN HONE WALE TAMAM ISLAHAT BEKAR HAIN UNKA KEHNA HAI KE JAB TAK ZAMEEN KA MALIK KASHT-KAR AUR KISAN KO NAHI BANAYA JATA TAB TAK SARI ISLAHAT BEKAR HAIN . DOSRI TARAF YE TASUR BHI MOJOUD HAI KE BALOUCHISTAN MAIN MADNI WASA'EIL AUR ZARAI ZAMEEN KO MULK KI DOSRE HISSON KI TARAH ISLAHAT LANA BEKAR HAI . YAHAN KI TAMAM  WASA'EIL KI ZAMEEN KI TAQSEEM QABA'EIL KE QAWANEEN KE TEHET HUI HAI AUR WO AIK DOSRE KI MILKIYAT KA AHTIRAM KERTE HAIN . AGER WO KISI GHAIR-MULKI COMPANI YA HUKUMAT SE KISI KISAM KA KOI MUHA'EIDA KERTE HAIN TO UNKE PAAS USKI TAQSEEM KA FORMULA BHI MOJOUD HAI . BALOUCHISTAN MAIN PANI KI KAMI KE BAWAJOD KABHI BHI PANI PER KISI KISAM KI KOI LARAI NAHI HUI . YAHAN PER PANI KI TAQSEEM QABA'EIL KE QAWANEEM KI TEHET HOTI HAI JIS PER AAJ TAK KOI MASLA NAHI HUA . AUR AGER IN TAMAM QABA'EIL KE QAWANEEN KO NAZAR-ANDAZ KIYA GAYA AUR KOI AUR QANOON BANANE KI KOSHISH KI GAYE TO PHIR HALAAT KHARAB HO SAKTE HAIN .

PAKISTAN KE SABIQ WAZEER-E-AZAM MIR ZAFARULLAH KHAN JAMALI BHI BALOUCHISTAN SE TALUQ RAKHTE HAIN AUR JAMALI QOUM KE SARDAR BHI HAIN YAAD RAHE KE JAMALI QOUM SINDH AUR BALOUCHISTAN KI AIK BUHAT BARI QOUM HAI . . . KASHIF JAMALI . . .

                FOR MORE ARTICLES PLEASE VISIT :

                http://www.jamali4all.blogspot.com/

PAKISTAN AUR HINDUSTAN AUR PORI DUNYA MAIN TAIZI SE PHELTA HUA DENGUE VIRUS (URDU)

JAMA KARACHI KE DOCTER PANJWANI AUR BANGLADESH KE SCIENTIST PROFESSOR DOCTER NOOR-UL-KABEER NE PAKISTANI GOVERNMENT KO KHABAR-DAR- KIYA HAI KE WO DENGUE VIRUS PER QABU PANE KE LIYE MACHHERON KA KHATIMA KARE . DENGUE MARZ DUNYA KE 2.1/2 ARAB AFRAD KE LIYE KHATRA HAI . WORLD HEALTH ORGINIZATION KE MUTABIQ PORI DUNYA MAIN HER SAAL TAQREEBAN 5 CRORE AFRAD DENGUE FEVER MAIN MUBTILA HOTE HAIN . IN KHAYALAT KA IZHAR PROFESSOR NOOR-UL-KABEER NE JAMA KARACHI KE INTERNATIONAL CHEMISTRY AND BIOLOGY CENTER (I.C.C.B.S) MAIN DENGUE FEVER PER LECTURE DETE HUE KIYA . ISKE BAAD DENGUE FEVER PER AIK PENAL DISSCUSSION HUA JIS MAIN PROFESSOR NOOR-UL-KABEER , ABBASI SHAHHED HOSPITAL KE JAWAID AKHTER . DOCTER ABDUL NAEEM  ,DOW UNIVERSITY KI DOCTER SHAHEEN SHARAFAT . ZIA-UD-DIN HOSPITAL KI DOCTER FATIMA MERAJ NE SHIRKAT KI . 

PROFEESOR NOOR-UL-KABEER NE KAHA KE PAKISTAN . HINDUSTAN . SRILANKA . AUR BANGLADESH SAMAIT DUNYA KE 100 MUMALIK MAIN  DENGUE VIRUS AAM HAI .WORLD HEALTH ORGINIZATION KE MUTABIQ IS SAAL AUGUST 2010 TAK AB TAK INDONESIA MAIN 80,000 CASES REPORT HUE . THAILAND MAIN 57,948 . SRILANKA MAIN 27,142 INDIA MAIN 12,000 AUR PAKISTAN MAIN ISKI TADAD 3000 HAI . DOCTER NOOP-UL-KABEER NE KAHA KE DENGUE FEVER AIK VIRAL FEVER HAI JIS MAIN KOI ANTI-BIOTIC ASAR-ANDAZ NAHI HOTI HAI .LEKIN FEVER MAIN KAMI KE LIYE SIRF ANTI-PYRITICS (PARACETAMOL GROUPS) ISTEMAL KI JA SAKTI HAIN . . .

         FOR MORE ARTICLES AND FUN PLEASE VISIT:

       www.jamali4all.blogspot.com

SAUDI ARAB MAIN AURAT (WOMENS) KI PASAND KI SHADI KA HAQ AUR SAUDI ADALATON (COURTS) KE FAISLEY (URDU)

JULY 2010 MAIN MADINA SHARIF MAIN AIK ADALAT (COURT) NE AIK 42 SAALA AURAT LADY DOCTER KI IS DARKHAWAST (APPEAL) KO RAD KER DIYA JIS MAIN USNE KAHA THA KE USKE FATHER AUR BROTHER USKI SHADI AIK SURGEON SE KERNE SE IS LIYE MANA KER RAHE HAIN KE WO UNKE KHANDAN KA NAHI HAI . ADALAT (COURT) NE FAISLA DIYA HAI KE USKE WALID THEEK KER RAHE HAIN AUR WO APNE KHANDAN SE BAHAR SHADI KER KE APNE FATHER KI NA-FERMANI KER RAHI HAI .  SAUDI ARAB KI AURAT'EIN APNI PASAND KI SHADI MAIN IS APNE KAHNDAN AUR PARENTS AUR BROTHERS KI RUKAWAT KE KHILAF ROADS PER AA GAYEN HAIN . KITNI HI GRADUATES AUR JOBS KERTI SAUDI KHAWATEEN NE IS ADALAT (COURTS) MAIN IS FAISLE KE KHILAF DARKHAWAST (APPEAL) JAMA KERWA DI HAIN .

JULY 2010 MAIN MADINA SHARIF MAIN AIK ADALAT (COURT) NE AIK 42 SAALA AURAT LADY DOCTER KI IS DARKHAWAST (APPEAL) KO RAD KER DIYA JIS MAIN USNE KAHA THA KE USKE FATHER AUR BROTHER USKI SHADI AIK SURGEON SE KERNE SE IS LIYE MANA KER RAHE HAIN KE WO UNKE KHANDAN KA NAHI HAI . ADALAT (COURT) NE FAISLA DIYA HAI KE USKE WALID THEEK KER RAHE HAIN AUR WO APNE KHANDAN SE BAHAR SHADI KER KE APNE FATHER KI NA-FERMANI KER RAHI HAI . NATIONAL SOCIETY FOR WOMEN RIGHTS KI SUHAILA ZAIN-UL-ABDAIN NE A.F.P KO BATAYA HAI KE BAD-QISMATI SE HAMARAY SAMAJ MAIN AJEEB RIWAJ AUR TEHZEEB AAJ BHI MOJOUD HAI KE JIS MAIN 10 YA 12 SAAL KI LARKI TO SHADI KER SAKTI HAI LEKIN AIK AAQIL AUR BALIGH LARKI APNI PASAND KA HAQ ISTEMAAL NAHI KER SAKTI . AIK AUR UNIVERSITY KI GRADUATE WOMEN AMAL SALIH KA KEHNA HAI KE HUM TAMAM LARKIYAN IS MUSIBAT SE JAN CHURANA CHAHATI HAIN . SAUDI ARABIA MAIN JARI FACE BOOK PER AURATON KI PASAND KI SHADI KE HUQOOQ KI HIMAYAT KERTE HUE AMAL SALIH KA KEHNA HAI KE ISLAM SE PEHLE BETI KO PAIDA HOTE MAR DIYA JATA THA LEKIN AAJ KE IS DOUR MAIN UNKO BALIGH HONE KE BAAD MARA JA RAHA HAI . SAUDI ARAB KI RAWAYAT KE TEHET LARKI KE WALID YA USKE SAR-PARAST SHADI TAK US PER HAWI REHTE HAIN AUR UNKE WALID YA SAR-PARAST KE MERNE KE BAAD SAUDI ARAB KI ADALAT'EIN (COURTS)  UNKO UNKE CHA'CHA YA KISI AUR SAR-PARAST MARD KI IJAZAT KE BEGHAIR KAHEEN AUR SHADI KERNE KI IJAZAT NAHI DETI . SAUDI ARAB MAIN ZIYADA TER LARKI KO USKE KHANDAN MAIN SHADI KERNE PER ZOOR DIYA JATA HAI AUR AYSA KERNE KE LIYE UNKE PAAS SIYASI AUR SAMAJI IKHTIYARAT MOJOUD HAIN .

NATIONAL SOCIETY FOR WOMEN RIGHTS KI SUHAILA ZAIN-UL-ABDAIN NE BATAYA KE HAD TO YE HAI KE AYSE BAAP JO KE KHUD KAHNDAN SE BAHAR SHADI KERTA HAI LEKIN APNI BETI KO KHANDAN SE BAHAR SHADI NAHI KERNE DETA . KABHI KABHI AYSA BHI HOTA HAI KE LARKI KE BACHPAN KE MANGETER (FIANCE) YA UNKE COUSINS SE CHOTI CHOTI BAATON PER SHADI SE ROK DIYA JATA JABKE LARKIYAN UNKO PASAND BHI KERTI HAIN .

AIK AURAT MAHA JISKO BHI YAHI MASLA DAR-PESH HAI NE A.F.P KO BATAYA HAI KE JAB WOH 26 SAAL KI THI USNE APNE KHANDAN KE AIK LARKE SE USKI NA-AHLI KI WAJAH SE US SE  SHADI KERNE SE INKAR KER DIYA THA TO USKE KHANDAN WALON NE KHANDAN SE BAHAR AIK RISHTA DOHNDA LEKIN USKE BHAI AUR WALID NE WO RISHTA THUKRA DIYA . AUR MAIN AB JABKE 38 SAAL KI HO CHUKI HOON TO WO MUJHAY AIK KAROBARI AADMI SE SHADI KERNE KE LIYE ZOOR DE RAHE HAIN .

NATIONAL FOR HUMAN RIGHTS KE MUTABIQ PICHLE 6 SAALON MAIN 86 WOMENS NE ADALAT SE SIRF IS LIYE RUJU KIYA KE UNKO APNE WALIDAIN SE APNI PASAND KI SHADI KI IJAZAT DILWAI JAYE JABKE IS MAIN 10 CASE 2010 MAIN SHAMIL HAIN . YE WO KAM TADAD MAIN WOMENS HAIN JIS NE ADLAT SE RUJU KIA HAI AUR NA-JANE KITNI AURAT'EIN HONGI JO IS RIWAYAT PER QURBAN HO JATI HONGI . AMAL SALIH NE MAZEED BATAYA KE MASHOOR MUFTI SHAIKH ABDULLAH-BIN-JIBREEN JINKA PICHLE SAAL INTEQAAL HO CHUKA HAI UNHON NE FATWA DIYA THA KE KOI BAAP APNI BETI KO USKI PASAND KI SHADI SE NAHI ROK SAKTA . AMAL SALIH KEHTI HAIN KE HUM SIRF IS FATWA KI NIFAZ CHAHATI HAIN . AMAL MAZEED KEHTI HAIN KE KAM SE KAM IS MULK MAIN IS SILSILE MAIN AIK AYSA QANOON HONA CHAHIYE KE JAB KOI LARKI 35 SAAL KI HO JAYE TO USKE WALID YA USKE SAR-PARAST KO USKI SHADI KE SILSILE MAIN USKI TAJWEEZ SE  MUTTAFIQ HONA CHAHAIYE . NOORA MOHAMMED NE BATAYA KE JAB MAIN 20 SAAL KI THI TO KAI MARD KUJH SE SHADI KERNA CHAHATE THAY LEKIN MERE WALID JO KE AB HAYAT NAHI HAIN UNHON NE UN RISHTON KO BINA KISI SABAB KE RAD KER DIYA AUR AAJ JAB MAIN 42 SAAL KI HOON TO KOI MUJH SE SHADI KERNE KE LIYE TAYYAR NAHI SIWAYE MUJH SE BARI UMER KE AUR WO BHI AYSE KE JINKI UMER MUJH SE DOUBLE HAI .  NATIONAL SOCIETY FOR WOMEN RIGHTS KI SUHAILA ZAIN-UL-ABDAIN KI TAJWEEZ HAI KE SAUDI ARAB KE SAKHT KHANDANI RIWAYATON KO KHATAM KER KE ISLAMI TALEEMAT PER CHALNE KI ZAROORAT HAI UNHON NE KAHA KE KAI COURTS KE JUDGE SIRF WALID KI HIMAYAT KERTE HUE FAISLA DETE HAIN JISKI WAJAH SE LARKIYAN APNI PASAND KI SHADI AUR MAA (MOTHER) BAN'NE KE HAQ SE MEHROOM REH JATI HAIN . . . . 

 FOR MORE ARTICLES VISIT PLEASE :

 www.jamali4all.blogspot.com